१ पतरुस 5:12 - मध्‍य पुरविया थारू

¹² हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।

१ पतरुस 5:12 ပူးပေါင်းရင်းမြစ်များ

युहन्‍ना 21:21

ओइ चेलाके देखके पतरुस येसुके पुछल्‍कै, “परभु, अकरा कि हेतै?”

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

रोमी 5:2

खिरिस्‍ट हमरासबके बिस्‍बास दुवारा परमेस्‍वरके अनुगरहमे लाबने छै। यह्‍या अनुगरहके हमसब अखुन अनुभव करैचियै आ परमेस्‍वरके महिमामे सहभागी हैके आसमे आनन्‍द मनाबैचियै।

१ कोरन्‍थी 15:1

हे हमर पिरिय भाइ-भैयासब, आब हम तोरासबके परचार करल सुसमाचारके बारेमे फेरसे याद कराइले चाहैचियौ, तुसब जे सुसमाचार गरहन करलिही आ तैमे अस्‍थिर चिही।

२ कोरन्‍थी 1:19

कथिलेकी सिलास, तिमोथी आ हम तोरासबके बिचमे परचार करल परमेस्‍वरके बेटा येसु खिरिस्‍टमे एके छनमे “हँ” आ एके छनमे “नै” बला बात नै छै, महज ओकरमे हरदम “हँ” मातरे छै।

२ कोरन्‍थी 1:24

हमसब तोरासबके बिस्‍बासमे अधिकार जमाइले नै चाहैचियौ, बरु तोरासबके खुसिके लेल तोरेसबसे मिलके काम करैले चाहैचियौ। कथिलेकी तुसब आपन बिस्‍बासमे अस्‍थिर चिही।

एफिसी 3:3

परमेस्‍वर आपन भितरी योजना हमरा परकट करने छै। अकर बारेमे हम तोरासबके पैहनिए छोटकरीमे लिखने चियौ।

एफिसी 6:21

हमर पिरिय भाइ आ परभुके बिस्‍बास योग्‍य सेबक तुखिकस हमर सब हालखबर तोरासबके सुनाइतौ।

कलस्‍सी 1:7

एह्‍या बात अपनासबके सङे-सङे सेबा करैबला इपाफरास तोरासबके सिखाइल्‍कौ। उ हमरासबके बदलामे तोरासबके बिचमे खिरिस्‍टके सेबा करैबला बिस्‍बासयोग्‍य भाइ चियै।

कलस्‍सी 4:7

हमर पिरिय भाइ तुखिकस हमर सब खबर तोरासबके सुनाइतौ। ओहो आपनेसबसङे सेबा करैबला परभुके बिस्‍बासी सेबक चियै।

कलस्‍सी 4:9

ओकरसङे ओनेसिमस सेहो आइबरहलछौ जे तोरेसबमेसे एकटा बिस्‍बासी आ पिरिय चियौ। उ दुनुगोरा अतेका सब हालखबर तोरासबके सुनाइतौ।

१ थेसलोनिकी 1:1

हम पावल, सिलास आ तिमोथीयोके तरफसे परमेस्‍वर पिता आ परभु येसु खिरिस्‍टमे यि चिठी लिखैचियौ। परमेस्‍वर थेसलोनिकीके मन्‍डलीसबके अनुगरह आ सान्‍ती देबे।

२ थेसलोनिकी 1:1

हम पावल, सिलास आ तिमोथीके तरफे परमेस्‍वर पिता आ परभु येसु खिरिस्‍टमे यि चिठी लिखैचियौ।

हिबरु 13:22

हे हमर पिरिय भाइ-भैयासब, हम तोरासबके बिन्‍ती करैचियौ कि, हमर अरती देल बातके मान, कथिलेकी हम तोरासबके यि चिठी छोटमे लिखने चियै।

१ पतरुस 1:13

अहै खातिर तोरासबके आपन मन तैयार राख, आत्‍म संयमी बन आ येसु खिरिस्‍ट आबै बखत तुसब पाबैबला अनुगरहमे पुरा आसा राख।

१ पतरुस 4:10

परमेस्‍वर तोरासबके किसिम-किसिमके बरदान देनेछौ। एक दोसरके सेबा करैके लेल देल यि बरदानके पुरा सदउपयोग कर।

२ पतरुस 1:12

तुसब यि सब बात जान्‍बे करैचिही आ तोरासबके सिख्‍याल सत बातमे अस्‍थिर चिही तैयो हम यि सब बात तोरासबके हरदम याद दिलाइते रहबौ।

२ पतरुस 2:15

उसब सिधा रस्‍ता छोइरके बओरके बेटा बालामके चलैबला बाटमे चलैछै, जे खराब काम कैरके रुपैया कमाबैके दाउमे छेलै।

३ युहन्‍ना 1:12

डेमेतिरियसके बारेमे सबलोक असल गबाही दैछै आ उ सतमे चलैछै से बात ओकर जिबनसे सत आपनेसे साक्‍छी देनेछै। हम्‍हुसब ओहै बातके गबाही दैचियै आ तुसब जान्‍बे करैचिही कि, अपनासबके गबाही सत छै।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।