१ पतरुस 3:8 - मध्‍य पुरविया थारू

⁸ अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

१ पतरुस 3:8 ပူးပေါင်းရင်းမြစ်များ

मतीके लिखल सुसमाचार 18:33

जहिनङे हम तोरा दया करलियौ तहिनङे तु आपन सङी नोकरके दया करे नै परैछै?’

लुका 10:33

एकटा सामरी लोक ओहैठिना रस्‍तासे एलै। ओइ घायल लोकके देखके दया लाइगगेलै।

परेरित 2:1

जब पेन्‍तिकोस पाबैनके दिन एलै, परभु येसुमे बिस्‍बास करैबला सबकोइ एके ठाममे जम्‍मा भेलरहै।

परेरित 27:3

ओकर बिहान हमसब सिदोन इलाकामे पुगलियै। युलियस पावल उपर दया देख्‍याके ओकर साथि-सङीसबके आपन-आपन आबसक्‍ताके सरसमानसब आनैले अनुमति देल्‍कै।

परेरित 28:7

ओइ टपुके मुखिया पब्‍लियसके घर ओहै आसपासमे छेलै। पब्‍लियस हमरासबके आपन घरमे लज्‍याके सेबा सत्‍कार करल्‍कै। हमसब तिन दिनतक ओकर घरमे मेजमान बैनके रहलियै।

परेरित 4:32

बिस्‍बास करैबलासब एकेमन आ एके परानके भेलरहै, ओइसबमेसे कोइ नै आपन धन-सम्‍पतीके आपन चियै कहैछेलै, महज सब चिजके सझिया मानैत रहै।

रोमी 12:10

एक-दोसरके आपने भाइ-भैया जखा परेम कर। अपनासे बेसी दोसरके आदर कर।

रोमी 15:5

सहैबला सक्‍ति आ हौसला दैबला परमेस्‍वर तोरासबके येसु खिरिस्‍टके जिबन जखा जियैले आ एके मनके हैले सक्‍ति देबे।

१ कोरन्‍थी 1:10

हे हमर भाइ-बहिनसब हम तोरासबके परभु येसु खिरिस्‍टके नाममे बिन्‍ती करैचियौ कि, तुसब एक दोसरसङे मिलजुइलके रह। तोरासबके बिचमे कोनो किसिमके मनमोटाब नै हेबे, महज तुसब एके मनके आ एके बिचारके हो।

१ कोरन्‍थी 12:26

यदि एकटा अङके दुख हैछै त, देहके पुरे अङ दुख भोगैछै। यदि एकटा अङके आदर हैछै त, देहके पुरे अङसब एकसाथ खुसी मनाबैछै।

एफिसी 4:2

सबदिन नर्‌म, सोझ आ धिरजी भ्‍याके एक-दोसरके परेम कर।

एफिसी 4:31

मनमे खराब बात नै ले, झै-झगरा आ रिस नै कर। अपमान करैबला बात नै बोल, सब किसिमके दुस्‍मनी त्‍यागदहै।

एफिसी 4:32

महज एक-दोसरके दया देखा। जनङ परमेस्‍वर तोरासबके खिरिस्‍टमे छमा करल्‍कौ तहिनङे तुहुसब एक-दोसरके छमा कर।

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

फिलिप्‍पी 3:16

चाहे जे हेबे, हमसब जे बात पाबनेचियै तैमे बौकार भ्‍याके रह।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

हिबरु 13:1

एक दोसरके भाइ-भैयासब जखा परेम करैतरह।

याकुब 2:13

कथिलेकी जे लोक किरपा नै करैछै ओकर नियाय किरपे बिनाके हैछै। किरपा नियायके उपर बिजय हैछै।

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

याकुब 5:11

धिरज करैबला लोक आसिस पाबैछै से बात हमसब जानैचियै। अय्‍युब धिरज राखल्‍कै आ परभु ओकरा दया आ किरपा देखाइल्‍कै से बात ओकर जिबनमे अस्‍पस्‍ट देखापरैछै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 2:17

रजा आ सब लोकसबके आदर कर। खिरिस्‍टमे बिस्‍बास करैबलासबके परेम कर। परमेस्‍वरके डर मान।

१ पतरुस 5:5

तहिनङे जबानसब, बुढ लोकसबके अधिनमे रह। तुसब नम्‌र भ्‍याके एक दोसरके सेबा कर। कथिलेकी पबितर धरमसास्‍तरमे लिखल छै कि, “परमेस्‍वर घमन्‍डी लोकसबके बिरोध करैछै, महज नम्‌र लोकसबके अनुगरह करैछै।”

२ पतरुस 1:7

भक्‍तीमे भाइ-भैयाके इसनेह, भाइ-भैयारीके इसनेहमे परेम थप।

१ युहन्‍ना 3:14

अपनासब जानैचियै कि मिरतुके मुहसे निकैलके जिबनमे पुइगगेल चियै कारन अपनासब एक दोसरके परेम करैचियै। जे लोकसब परेम नै करैछै उ मिरतुके बन्‍धनमे रहैछै।