१ पतरुस 3:1 - मध्‍य पुरविया थारू

¹ घरबालीसब, तुसब आपन-आपन घरबलासबके अधिनमे रह। एहेन करबिही त परमेस्‍वरके बचनमे बिस्‍बास नै करैबला घरबालासब तोरासबके असल चालचलन देखके बिस्‍बास करतौ। तोरासबके कुछो नै कहे परतौ,

१ पतरुस 3:1 ပူးပေါင်းရင်းမြစ်များ

मतीके लिखल सुसमाचार 18:15

“अदी कोनो बिस्‍बासी भाइ तोहर बिरोधमे पाप करैछौ त ओकरलग असगरे जो आ एकान्‍तमे ओकर करल पाप देखादहै। यदी उ तोहर बात सुन्‍तौ त, उ तोहर भाइ हेतौ।

रोमी 10:16

महज सुनैबला लोकसब सुसमाचारके सुइकार नै करल्‍कै, कथिलेत यसैया अगमबक्‍ता कहैछै, “हे परभु, हमरासबके परचार करल सुसमाचारमे के बिस्‍बास करने छै से?”

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

रोमी 7:2

उदाहरनके लेल, कोनो एकटा बियाह भेल जनी बेबस्‍था अनुसार ओकर घरबला जिबित रहेतक आपन घरबलासङे रहैछै, महज यदि ओकर घरबला मैरजाइछै त, बेबस्‍थाके बन्‍धनसे सोतन्‍तर हैछै।

१ कोरन्‍थी 11:3

महज तोरासबके यि बात थाह हेबे कि खिरिस्‍ट हरेक मानबके सिर चियै। तहिनङे घरबला आपन घरबालीके सिर चियै आ परमेस्‍वर खिरिस्‍टके सिर चियै।

१ कोरन्‍थी 14:34

जनिसब मन्‍डलीके सभामे चुप रहैके चाही। ओइसबके बाजैके अनुमति नै छै, महज बेबस्‍थामे कहल जखा उसब अधिनमे रहे।

१ कोरन्‍थी 7:16

हे घरबाली, तोरा कि थाह! सायद तोहर कारनसे तोहर घरबला उदार पाबैले सक्‍तियौ कि? या हे घरबला, तोरा कि थाह! सायद तोहर कारनसे तोहर घरबाली उदार पाबैले सक्‍तियौ कि?

एफिसी 5:33

चाहे जे हेबे, तुसब आपन-आपन घरबालीसबके आपने जखा परेम करे परतौ आ घरबालीयोसब आपन-आपन घरबलाके आदर करे परतौ।

कलस्‍सी 3:18

हे घरबालीसब, तुसब परभुके नजरमे मनपरैबला ढङसे आपन-आपन घरबलासबके अधिनमे रह।

कलस्‍सी 4:5

येसु खिरिस्‍टके बिस्‍बास नै करैबलासबसङे बेबहार करैतखिना बुइध पुगाके कर आ तोरासबके भेटल सब मौकाके पुरा रुपसे परयोग कर।

२ थेसलोनिकी 1:8

तब परमेस्‍वरके नै चिन्‍हैबलासब आ परभु येसुके सुसमाचारके नै मानैबलासबके सजाय देतै।

हिबरु 11:8

बिस्‍बास दुवारा अबराहम परमेस्‍वरके कहल मानल्‍कै आ जो कैहके कहल ठामदिसन गेलै, जे ठाम परमेस्‍वर ओकरा देबौ कैहके परतिग्‍या करने छेलै। कते जेबै कैहके ओकरा थाहे नै छेलै तैयो उ आपन देस छोइरके गेलै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 3:2

कथिलेकी तोरासबके चालचलन कतहेक सुध आ आदरनिय चियै से उसब आपनेसे देख्‍तौ।

१ पतरुस 3:7

तहिनङे घरबलासब, आपन-आपन घरबालीसबसङे बिचारसिल भ्‍याके रह आ ओइसबके अबला माइनके आदर कर। मनमे याद राख कि तोहरे जखा अनन्‍त जिबनके बरदानमे सहभागी छौ। अनङ करबिही त तोरासबके परथनामे कोनो किसिमके बाधा नै परतौ।

१ पतरुस 4:17

नियाय हैबला समय आइबगेल छै आ यि नियाय परमेस्‍वरके आपने लोकसबसे सुरु हेतै। हमरासबके नियाय हैछै त, परमेस्‍वरके सुसमाचार कहियो नै बिस्‍बास करैबलाके दसा केहन हेतै?