१ पतरुस 2:23 - मध्‍य पुरविया थारू

²³ जब लोकसब ओकरा अपमान करल्‍कै, तब उ कोनो जबाफ नै उल्‍टाइल्‍कै। दुख भोगैबखत ककरो धम्‍की नै देल्‍कै, महज ठिकसङे नियाय करैबला परमेस्‍वरमे भरोसा करल्‍कै।

१ पतरुस 2:23 ပူးပေါင်းရင်းမြစ်များ

लुका 23:41

हमरासबके सजाय त उचित छै, कथिलेत हमरासबके जैहनङ करम करनेचियै ओहिनङ फल भोइगरहलचियै, यि लोक त तेहन कोनो नै निक काम नै करने छै।”

लुका 23:46

तब येसु जोर-जोरसे कहल्‍कै, “हे पिता, हम आपन आत्‍मा अहाँके हाथमे सोपै चियै!” अतेक कैहके ओकर परान छुइट गेलै।

लुका 23:9

हेरोद येसुके बहुत सबाल करल्‍कै, महज येसु ओकरा कोनो सबाल के जबाब नै देल्‍कै।

परेरित 17:31

कथिलेत सन्‍सारके सब लोकसबके नियाइ करैके दिन उ तोइकदेने छै। ओइ दिन परमेस्‍वर आपनेसे छानल लोकसे सन्‍सारके उचित नियाय करतौ। ओइ लोकके नियाइ करैके अधिकार छै से परमान लोकसबके देबेखातिर परमेस्‍वर ओकरा मरलसे जियाइल्‍कै।”

परेरित 4:29

हे परभु, ओकरासबके धम्‍किके देखु आ अहाँके सेबकसबके सक्‍ती दिय ताकि साहसके साथ अहाँके बचन परचार करैले दिय,

परेरित 7:59

जैहनङ उसब स्‍तिफनस उपर पथल मारैत खिना एहेन कहैत परथना करैतरहै, “हे परभु येसु, हमर आत्‍माके सुइकारु।”

परेरित 9:1

साउल परभु येसुके बिस्‍बासीसबके बिरोधमे धम्‍कि दैछेलै आ मारैके धुनमे परधान पुजारी लग गेलै,

रोमी 2:5

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।

एफिसी 6:9

हौ मालिकसब, तैहनङे कैरके अहुसब आपन नोकर-चाकरसबके असल बेबहार करु आ ओइसबके नै धम्‍काब कथिलेत अहाँसबके आ उसब दुनुके एकेटा मालिक स्‍वरगमे छै से बात नै बिसर। उ ककरो पक्‍छ ल्‍याके नियाय नै करैछै।

२ थेसलोनिकी 1:5

परमेस्‍वरके धारमिक इन्‍साफके परमान यह्‍या चियै कि तुसब परमेस्‍वरके राजमे जाइके योग्‍य बन। तुसब ओहै राजके खातिर दुख सहैचिही।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

हिबरु 12:3

पापी लोकसब ओकर बिरोधमे जे बातसब लाबल्‍कै ओइबातसबके केनङके सहल्‍कै से बिचार कर आ तुसब नै थाक आ निरास नै हो।

१ पतरुस 3:9

खराबीके बदला खराबी या अपमानके बदला अपमान नै कर। बरु खराबीके बदला आसिस दहै, कथिलेकी यह्‍या करैके लेल परमेस्‍वर तोरासबके बोलाइनेछौ आ तुहुसब आसिस पाबबिही।

१ पतरुस 4:19

ओहैसे तुसब परमेस्‍वरके इक्‍छा अनुसार दुख-कस्‍ट भोगैबलासब भलाइके काम कैरते रह आ आपन जिबन बिस्‍बासयोग्‍य सिरिस्‍टीकरताके सोइप दहै।

परकास 19:11

तकरबाद हम स्‍वरग उघरल देखलियै आ ओते एकटा उजर घोरा छेलै। ओइमे सबार हैबला “बिस्‍बासयोग्‍य” आ “सत” कहेतै। उ ठिकसे नियाइ आ लराइ करतै।