१ पतरुस 1:22 - मध्‍य पुरविया थारू

²² आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 1:22 ပူးပေါင်းရင်းမြစ်များ

युहन्‍ना 15:17

हम तोरासबके यि आग्‍या करैचियौ कि तुसब एक-दोसरके परेम कर।

युहन्‍ना 15:3

किसान ठाइरके साफ करल जखा तुसब पहिनेसे हमर बचनसे सुध भेलचिही।

युहन्‍ना 17:17

अहाँके सत्‍यतासे ओइसबके पबितर करु, कथिलेत अहाँके बचन सत छै।

युहन्‍ना 17:19

हम ओइसबके खातिर आपनेके पबितर करैचियै, ताकि उसब सेहो सत्‍यतामे पबितर हेबे।

परेरित 15:9

परमेस्‍वर ओकरासबमे आ अपनासबमे कोनो भेदभाव नै करल्‍कै, महज ओइसबके मन सुध करल्‍कै कथिलेत उसब परभुमे बिस्‍बास करल्‍कै।

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 2:8

महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।

रोमी 8:13

यदि तुसब पाप स्‍वभाबके इक्‍छा अनुसार चलबिही त, तुसब मरबिही। महज पबितर आत्‍माके सक्‍तीसे पाप स्‍वभाबके नास करबिही त, तुसब अनन्‍त जिबन पाबबिही।

२ कोरन्‍थी 6:6

अपनासबमे रहल पबितर आत्‍मा आ अपनासबके निसकपट परेमसे हमसब आपनेके सुध, समझदार, सहनसिल आ दयालु परमानित करनेचियै।

गलाती 3:1

हे मुरुख गलातीके बिस्‍बासी लोकसब, तोरासबके के मोहनी लग्‍याके मोइह लेल्‍कौ? तोरेसबके आँखेके अगा येसु खिरिस्‍ट कुरूसमे टाङलगेल बात अस्‍पस्‍ट रुपसे कैहदेनेछेलौ।

गलाती 5:5

महज हमसब खिरिस्‍टमे बिस्‍बास करलासे पबितर आत्‍मा अपनासबके परमेस्‍वरके अगा धरमी ठहरैबला आसाके बाट ताकैले लगाइतौ।

गलाती 5:7

ओनङ त तुसब सतके बाटमे असलेसे दौरैछेल्‍ही। के तोरासबके सतके पालन करैले बाधा देल्‍कौ?

एफिसी 4:3

पबितर आत्‍मा तोरासबके मेलमिलापमे आन्‍ने छौ। ओइ एकताके सकभर जोग्‍याके राख।

फिलिप्‍पी 1:9

हमर परथना एह्‍या चियै, कि तुसब परेम आ ठिक-बेठिक छुटयाबैबला बुइधमे झन-झन परसस्‍त कैरके बैढते जाय,

१ थेसलोनिकी 3:12

जहिना हमसब तोरासबके परेम करैचियौ ओहै तरहसे परभु तोरासबके एक दोसरसङे आ सब लोकसबसङे परेममे औरो बेसीसे बरहाइत रहे कैहके हमसब परथना करैचियै।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

२ थेसलोनिकी 2:13

परभुके परेम करल भाइ-भैयासब, तोरासबके खातिर हमसब हरदम परमेस्‍वरके धन्‍यबाद चरहाइले बिबस चियौ, कथिलेत परमेस्‍वर सुरुवेसे तोरासबके मुक्‍ती दैकेलेल चुनल्‍कौ। उ मुक्‍ती तोरासबके पबितर बनाइले पबितर आत्‍मासे आ सत बातमे तोरासबके करल बिस्‍बाससे आबैछै।

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

१ तिमोथी 5:2

ओहिनङके बुढ जनिसबके आपन माँ जखा आ छोटसबके पबितर मनसे बहिन जखा बेबहार कर।

२ तिमोथी 1:14

तोहर जिम्‍मामे देल असल सिक्‍छाके अपनासबके भितरमे बास करैबला पबितर आत्‍माके सक्‍तिसे सुरक्‍छित राख।

हिबरु 11:8

बिस्‍बास दुवारा अबराहम परमेस्‍वरके कहल मानल्‍कै आ जो कैहके कहल ठामदिसन गेलै, जे ठाम परमेस्‍वर ओकरा देबौ कैहके परतिग्‍या करने छेलै। कते जेबै कैहके ओकरा थाहे नै छेलै तैयो उ आपन देस छोइरके गेलै।

हिबरु 13:1

एक दोसरके भाइ-भैयासब जखा परेम करैतरह।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

याकुब 1:21

अहै खातिर सब एहेन अधलाह आचरन आ नै निक बानी बेबहारसे अलग हो। नम्‌र भ्‍याके तोरौरके हिरदयमे राखल परमेस्‍वरके बचनके आपन बना कथिलेत ओहैसे तोरौरके उदार कैरसकैछौ।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।

१ पतरुस 2:17

रजा आ सब लोकसबके आदर कर। खिरिस्‍टमे बिस्‍बास करैबलासबके परेम कर। परमेस्‍वरके डर मान।

१ पतरुस 3:1

घरबालीसब, तुसब आपन-आपन घरबलासबके अधिनमे रह। एहेन करबिही त परमेस्‍वरके बचनमे बिस्‍बास नै करैबला घरबालासब तोरासबके असल चालचलन देखके बिस्‍बास करतौ। तोरासबके कुछो नै कहे परतौ,

१ पतरुस 3:20

उ आत्‍मासब पहिने परमेस्‍वरके आग्‍यापालन नै करल्‍कै जहिया नोआ पानी जहाद बनाबै छेलै। उसब आपन पापसे फिरतै कि कैहके धिरजकेसाथ परमेस्‍वर असियाल छेलै। जहादमे कमे लोक, अरथात आठ गोरे मातरे जल परलयसे बचल छेलै।

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

१ पतरुस 4:17

नियाय हैबला समय आइबगेल छै आ यि नियाय परमेस्‍वरके आपने लोकसबसे सुरु हेतै। हमरासबके नियाय हैछै त, परमेस्‍वरके सुसमाचार कहियो नै बिस्‍बास करैबलाके दसा केहन हेतै?

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

२ पतरुस 1:7

भक्‍तीमे भाइ-भैयाके इसनेह, भाइ-भैयारीके इसनेहमे परेम थप।

१ युहन्‍ना 3:11

तुसब यि बात सुरुवेसे सुन्‍ने चिही की हमसबके एक-दोसरके परेम करे परतै।

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।

१ युहन्‍ना 4:12

परमेस्‍वरके कोइने कहियो देख्‍नेछै। महज अपनासब एक-दोसरके परेम करबिही त परमेस्‍वर अपनासबमे बास करतै आ ओकर परेम अपनासबमे पुरा हेतै।

१ युहन्‍ना 4:20

यदि कोइ परमेस्‍वरके परेम करैचियै कहैछै आ आपन भाइ-बहिनके घिरना करैछै त उ झुठ छै। आपनसे देखल भाइके परेम नै करैबला नै देखल परमेस्‍वरके कनङ परेम करे सक्‍तै?

१ युहन्‍ना 4:7

पिरिय सङिसब, अपनासब एक दोसरके परेम करु कथिलेत परेम परमेस्‍वरेसे आबैछै। परेम करैबला परमेस्‍वरके धियापुता चियै आ उ परमेस्‍वरके चिन्‍हैछै।

परकास 2:4

महज तोरासबके बिरोधमे हम यि कहैचियौ कि, तुसब हमरा पहिनेके करल परेम जखा अखैन करैले छोरने चिही।