१ पतरुस 1:17 - मध्‍य पुरविया थारू

¹⁷ परमेस्‍वर कोनो पक्‍छपात नै कैरके नियाय करैछौ जब तुसब ओकरा परथना करैतखिना “पिता” कैहके पुकारैचिही त यि सन्‍सारमे रहैतलिक तुसब ओकरा सर्‌दा हैबला जिबन बिता।

१ पतरुस 1:17 ပူးပေါင်းရင်းမြစ်များ

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

मतीके लिखल सुसमाचार 22:16

उसब आपन कुछ चेलासब आ हेरोद रजाके दलके कुछ लोकसबके येसुलग एहेन कहैले पठेल्‍कै, “हे गुरु जी, हमसब जानैचियै कि अहाँ सत चियै आ परमेस्‍वरके साँचे सत बाट देखाइचियै। लोकसब कथी कहतै तैके कोनो बास्‍ता नै राखैचियै कथिलेकी अहाँ ककरो पक्‍छपात नै करैचियै।

मतीके लिखल सुसमाचार 6:9

तुसब अनङके परथना कर- ‘हे स्‍वरगमे रहैबला हमरासबके परमेस्‍वर पिता, अहाँके नामके आदर हेबे।

रोमी 11:20

यि बात सत चियै कि, इजराएलीसब बिस्‍बास नै करलासे ठाइर जखा काइटके फेकल रहै। तुसब बिस्‍बास करलासे कलमी बान्‍हल गेलचिही। ओहैसे घमन्‍ड नै कर बरु परमेस्‍वरके डर मान।

२ कोरन्‍थी 1:2

अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

२ कोरन्‍थी 5:6

तहैलेल हमरासबके पुरा भरोसा छै। हमसब जानैचियै कि, जाबेतक हमसब देहमे रहबै ताबेतक हमसब परभुके आमने सामने नै रहबै।

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

२ कोरन्‍थी 7:11

परमेस्‍वरसे एल दुखसे तोरासबमे केहेन उत्‍साह जगाइल्‍कौ, ओइके याद कर। आपनेके निरदोस साबित कराइके लेल केहेन उत्‍सुकता छौ। केहेन डाह, केहेन डर, केहेन पियास, केहेन जोस, नियाय हैकेलेल केहेन चाह छौ! सब बातमे तुसब आपनेके निरदोस साबित करनेचिही।

गलाती 2:6

उसब मन्‍डलीके मुख अगुवासब मानल गेलोपरभी हमर समादमे कोनो सल्‍लाह नै देल्‍कै। (उसब जतहेक बरका हेबे हमरा ओइसे कोनो फरक नै परतै, कथिलेत परमेस्‍वर ककरो मुह देखके नियाय नै करैछै)।

एफिसी 1:17

हम अपनासबके परभु येसु खिरिस्‍टके महिमाके पिता, परमेस्‍वरके यि परथना करैचियै कि उ तोरासबके बुइध आ परकासके आत्‍मा देबे ताकी तुसब ओकरा असलसे चिन्‍हैले सके।

एफिसी 3:14

अहै खातिर हम परमेस्‍वर पिताके अगा ठेङहुनिया द्‍याके परथना करैचियौ।

एफिसी 6:9

हौ मालिकसब, तैहनङे कैरके अहुसब आपन नोकर-चाकरसबके असल बेबहार करु आ ओइसबके नै धम्‍काब कथिलेत अहाँसबके आ उसब दुनुके एकेटा मालिक स्‍वरगमे छै से बात नै बिसर। उ ककरो पक्‍छ ल्‍याके नियाय नै करैछै।

फिलिप्‍पी 2:12

अहैलेल हमर पिरिय भाइ-भैयासब, जनङ तोरासब सबदिन आग्‍यापालन करैत एलचिही, हमर उपस्‍थितीमे मातरे करल जखा नै, महज आब औरो बेसिसे हमर अनुपस्‍थितीमे आदर आ डर मानैत तुसब आपन मुक्‍तीके काम पुरा करैके लेल एकदमसे मेहनत कर।

कलस्‍सी 3:25

अधलाह करैबला कोइ रहे, उ अधलाह कामके दन्‍ड भोग्‍तै, कथिलेत परमेस्‍वर ककरो पक्‍छपात नै करैछै।

हिबरु 12:28

अहै खातिर हिलाबैले नै सकैबला राज पाबलाके कारन अपनासब परमेस्‍वरके धन्‍यबाद दहै। ओकरा मनपरैबला किसीमके भक्‍ती आ आदरकेसाथ ओकर आराधना करु।

हिबरु 4:1

अपनासबके बिसराम देबौ कैहके परमेस्‍वरके करल परतिग्‍या अखुनो छै। ओहैसे होसियार रह आ उ बिसरामके ठाममे ढुकैले तोरासबमेसे कोइ नै छुटे।

१ पतरुस 2:11

हे पिरिय भाइसब, यि सन्‍सारमे तुसब बिदेसी आ परदेसी जखा चिही। हम तोरासबके बिन्‍ती करैचियौ, देहके अधलाह इक्‍छासब पुरा करै दिसन नै लाग। एहेन परकारके इक्‍छासब तोरासबके आत्‍माके बिरोधमे उठतौ।

१ पतरुस 3:15

बरु खिरिस्‍टके परभु माइनके आपन हिरदयमे सरदा कर। तोरासबमे भेल आसाके बिसयमे कोइ पुछताछ करैछौ त जबाफ दैले हर समय तयार रह।