१ युहन्‍ना 5:4 - मध्‍य पुरविया थारू

⁴ कथिलेकी जे परमेस्‍वरके बेटा-बेटीसब चियै, उ अइ सन्‍सारके जितलैछै। खिरिस्‍टमे बिस्‍बास करैके कारन अपनासब अइ सन्‍सारके जितने चियै।

१ युहन्‍ना 5:4 ပူးပေါင်းရင်းမြစ်များ

युहन्‍ना 1:13

उसब नै त लहुसे, नै त सारिरीक इक्‍छासे, नै लोकके कोनो इक्‍छासे महज उसब परमेस्‍वरसे आत्‍मिक रुपमे जल्‍मैछै।

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

युहन्‍ना 3:3

येसु निकोदेमसके कहल्‍कै, “साँचोके हम तोरासबके कहैचियौ, जाबेतक फेनोसे लोक नया कैरके जलम नै लेतै ताबे तक उ परमेस्‍वरके राज देखे नै सक्‍तै।”

१ कोरन्‍थी 15:57

महज परमेस्‍वरके धन्‍यबाद हेबे, जे अपनासबके परभु येसु खिरिस्‍टसे अपनासबके बिजय दैछै।

१ युहन्‍ना 2:29

खिरिस्‍ट धरमी छै से तुसब जानैचिही। तहैलेल निसचिन्‍त रह कि धारमिकतामे चलैबला सब परमेस्‍वरसे जलमल रहैछै।

१ युहन्‍ना 3:9

परमेस्‍वरके बेटा-बेटी पाप नै करैतरहैछै कथिलेत परमेस्‍वरके स्‍वभाब ओकरमे रहैछै। उ पाप करे नै सकैछै कथिलेत उ परमेस्‍वरसे जलमल रहैछै।

१ युहन्‍ना 4:4

हमर धियापुतासब, तुसब परमेस्‍वरके चिही आ तुसब झुठा अगमबक्‍तासबके जितनेचिही कथिलेत तोरासबमे रहल पबितर आत्‍मा सन्‍सारमे भेल आत्‍मासे सक्‍तिसाली छै।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।

१ युहन्‍ना 5:18

परमेस्‍वरके बेटा-बेटी भ्‍याल लोक पाप कैरते नै रहैछै से बात अपनासब जानैचियै। कथिलेकी परमेस्‍वरके बेटा ओइसबके बचाइछै आ दुस्‍ट सैतान ओकरा छुबैले नै सकैछै।

१ युहन्‍ना 5:5

के सन्‍सारके जिते सक्‍तै त? जे कोइ येसुके परमेस्‍वरके बेटा कैहके बिस्‍बास करतै, उ लोक मातरे सन्‍सारके जित्‍तै।

परकास 12:11

थुमाके लहुसे, ओकरासबके घोसना करल सत बचनसे आ जान तलिक दैले उसब तैयार भेलाके कारन अपनासबके भाइ-भैयासब ओकरा जितनेछै।

परकास 15:2

हम आइगसङे मिलल सिसाके समुन्‍दर जखा देखलियै। ओते जानबर, ओकर मुरतिमे आ ओकर नामके सङख्‍यामे बिजय पाबैबला लोकसब छेलै। उसब आपन हाथमे परमेस्‍वरके देल बिना लके सिसाके समुन्‍दरके कातमे ठारभेल छेलै।

परकास 2:11

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित्‍तै, ओकरा दोसर मिरतु किछो हानी नै करतै।’”

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

परकास 2:26

जे जित्‍तै आ अन्‍ततक हमर इक्‍छा पुरा करैतजेतै, तकरा हम जाती-जाती उपर अधिकार देबै।

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”

परकास 3:12

जे जित्‍तै, तकरा हम आपन परमेस्‍वरके मन्‍दिरके एकटा खम्‍हा बनाइबै आ ओतेसे उ कहियो नै बाहर निकल्‍तै। हम ओकरामे परमेस्‍वरके नाम आ हमर परमेस्‍वरके सहरके नाम अरथात स्‍वरगसे निचा आबैबला यरुसलेम लिख्‍बै तब ओइमे हमर आपन लया नाम सेहो लिख्‍बै।’

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’

परकास 3:5

जे सैतानके जित्‍तै, उ अनङ उजर बस्‍तर लगाइतै आ ओकर नाम हम जिबनके किताबसे कहियो नै मिटकाइबै। उ हमर लोक चियै कैहके आपन पिता आ ओकर स्‍वरगदुतसबके अगा हम सुइकार करबै।’