१ युहन्‍ना 5:18 - मध्‍य पुरविया थारू

¹⁸ परमेस्‍वरके बेटा-बेटी भ्‍याल लोक पाप कैरते नै रहैछै से बात अपनासब जानैचियै। कथिलेकी परमेस्‍वरके बेटा ओइसबके बचाइछै आ दुस्‍ट सैतान ओकरा छुबैले नै सकैछै।

१ युहन्‍ना 5:18 ပူးပေါင်းရင်းမြစ်များ

मतीके लिखल सुसमाचार 5:37

तोरासबके कहल बचन ‘हँ’ त ‘हँ’ ‘नै’ त ‘नै’ मातरे कह। अकरसे बेसी बाजैचिही त उ सैतानसे आबैछै।

मतीके लिखल सुसमाचार 6:13

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

युहन्‍ना 1:13

उसब नै त लहुसे, नै त सारिरीक इक्‍छासे, नै लोकके कोनो इक्‍छासे महज उसब परमेस्‍वरसे आत्‍मिक रुपमे जल्‍मैछै।

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

युहन्‍ना 15:4

तुसब हमरमे रह आ हम तोरासबमे रहबौ। जेनङकी ठाइर अङगुरके लतीमे नै रहतै त उ आपनेसे फल फराइले नै सक्‍तै, तहिनङ तुसब हमरमे नै रहबिही त तुहुसब फल फराइले नै सकबिही।

युहन्‍ना 15:7

यदी तुसब हमरमे रहबिही आ हमर बचन तोरासबमे रहतौ त, तुसब जे माङैले चाहैचिही से माङ आ उ तोरासबके देतौ।

युहन्‍ना 15:9

“जनङ पिता हमरा परेम करने छै, हम्‍हु तोरासबके परेम करनेचियौ। आब तुसब हमर परेममे रह।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

याकुब 1:18

उ आपन इक्‍छा अनुसार सत बचनसे अपनासबके लबका जलम देल्‍कै, ताकी हमसब ओकर सिरिस्‍टीके एकटा पहिल्‍का फल जखा भ्‍यासकी।

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।

१ पतरुस 1:23

तुसब बिनास हैबला बियासे नै, बरु अभिनासी परमेस्‍वरके जिबित आ कहियो नास नै हैबला बचनसे लया जलम पाबनेचिही।

१ युहन्‍ना 2:29

खिरिस्‍ट धरमी छै से तुसब जानैचिही। तहैलेल निसचिन्‍त रह कि धारमिकतामे चलैबला सब परमेस्‍वरसे जलमल रहैछै।

१ युहन्‍ना 3:12

अपनासब कयिन जखा नै हेबेपरतै। उ सैतानके लोक भेलाके कारन आपन भाइ हाबिलके मारल्‍कै। उ कथिले आपने भाइके मारल्‍कै? कथिलेत ओकर कामसब दुस्‍ट छेलै। महज ओकर भाइके काम धरमी छेलै।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।

१ युहन्‍ना 3:9

परमेस्‍वरके बेटा-बेटी पाप नै करैतरहैछै कथिलेत परमेस्‍वरके स्‍वभाब ओकरमे रहैछै। उ पाप करे नै सकैछै कथिलेत उ परमेस्‍वरसे जलमल रहैछै।

१ युहन्‍ना 4:6

अपनासब त परमेस्‍वरके चियै। जे परमेस्‍वरके चिन्‍हैछै, उ अपनासबके बात सुनैछै। जे परमेस्‍वरके लोक नै चियै, उ अपनासबके बात नै सुनैछै। अहैसे अपनासब सतके आत्‍मा आ झुठके आत्‍मा छुटयाइले सकैचियै।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।

१ युहन्‍ना 5:15

अपनासब जे कुछ परथनामे माङैचियै उ अपनासबके परथना सुनैछै कैहके अपनासब जानैचियै आ एहो जानैचियै कि जे कुछ माङने चियै उ हमरासबके भेटगेल छै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

१ युहन्‍ना 5:21

हमर पिरिय बेटा-बेटीसब, तुसब अपने आप झुठा देबी-देउतासबसे बैचके रह।

१ युहन्‍ना 5:4

कथिलेकी जे परमेस्‍वरके बेटा-बेटीसब चियै, उ अइ सन्‍सारके जितलैछै। खिरिस्‍टमे बिस्‍बास करैके कारन अपनासब अइ सन्‍सारके जितने चियै।

यहुदा 1:21

आपनके परमेस्‍वरके परेममे राख आ अनन्‍त जिबनके लेल अपनासबके परभु येसु खिरिस्‍टके किरपाके परतिक्‍छा कर।

यहुदा 1:24

तोरासबके पापमे परैसे बचाइले सकैबला आ आनन्‍दसाथ आपन महिमाके अगा तोरासबके निरदोस ठहराइले सकैबला परमेस्‍वरके परसन्‍सा हेबे।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।