१ युहन्‍ना 4:6 - मध्‍य पुरविया थारू

⁶ अपनासब त परमेस्‍वरके चियै। जे परमेस्‍वरके चिन्‍हैछै, उ अपनासबके बात सुनैछै। जे परमेस्‍वरके लोक नै चियै, उ अपनासबके बात नै सुनैछै। अहैसे अपनासब सतके आत्‍मा आ झुठके आत्‍मा छुटयाइले सकैचियै।

१ युहन्‍ना 4:6 ပူးပေါင်းရင်းမြစ်များ

लुका 10:22

“हमर पिता हमरा सबचिजके जिमा देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै आ बेटा ओकरा जकरलग परगट करैके इक्‍छा करैछै से औरो कोइ नै जानैछै।”

युहन्‍ना 10:16

हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

युहन्‍ना 10:27

हमर भेंरासब हमर बोली सुनैछै। हम ओइसबके चिन्‍हैचियै आ उसब हमर पछा-पछा आबैछै।

युहन्‍ना 10:3

ओकरलेल घर रखबारी करैबला केबार खोइलदैछै आ भेंरासब ओकर बोली चिन्‍हैछै। उ आपन भेंरासबके नाम ल्‍याके ल्‍याके बोलाइछै आ ओकरासबके बाहर निकालैछै।

युहन्‍ना 13:20

साँचोके हम तोरासबके कहैचियौ, जे हमर पठेल्‍हा लोकके सुइकार करैछै, उ हमरा सुइकार करैछै आ जे हमरा सुइकार करैछै, उ हमरा पठाइबलाके सुइकार करैछै।”

युहन्‍ना 14:17

उ पबितर आत्‍मा चियै जे सब सत्‍यतामे अगुवाइ करैछै। जकरा सन्‍सार गरहन नै करे सकैछै कथिलेत सन्‍सार ओकरा नै देखैछै नै चिन्‍हैछै। महज तुसब ओकरा चिन्‍हैचिही कथिलेत उ तोरासबसङे-सङे रहतौ आ उ तोरासबमे बास करतौ।

युहन्‍ना 15:26

“हम पिताके तरफसे तोरासबके लेल सल्‍लाह दैबला पबितर आत्‍माके पठादेबौ। उ पितालगसे एल सत आत्‍मा चियै जे हमर बारेमे गबाही देतै।

युहन्‍ना 16:13

महज सतके आत्‍मा जब एतौ तब उ तोरासबके सब बातसब बुझाइतौ। उ आपने दिसनसे बात नै करतौ महज उ जे सुन्‍तौ, ओह्‍या तोरासबके कहतौ तब पाछे हैबला बातसब सोहो कहतौ।

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

युहन्‍ना 20:21

तब येसु फेनसे ओकरासबके कहल्‍कै, “तोरासबके सान्‍ती मिले! जनङ पिता हमरा पठेल्‍कै, तहिनङ हम्‍हु तोरासबके पठाइचियौ।”

युहन्‍ना 8:19

तब उसब येसुके पुछल्‍कै, “तोहर पिता कते छौ?” येसु ओइसबके जबाफ देल्‍कै, “तुसब नै त हमरा चिन्‍हैचिही आ नै त हमर पिताके। यदी तुसब हमरा चिन्‍हतिही त हमर पितोके चिन्‍हने रहतिही।”

युहन्‍ना 8:23

येसु ओइसबके कहल्‍कै, “तुसब निचाके चिही, हम त उपरके चियै। तुसब अहै सन्‍सारके चिही, महज हम त अइ सन्‍सारके नै चियै।

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

रोमी 11:8

पबितर धरमसास्‍तरमे एहेन लिखल छै, “परमेस्‍वर ओकरासबके मन सुस्‍त बन्‍यादेल्‍कै। एहेन आँख देल्‍कै कि उसब देखैले नै सकैछै आ एहेन कान देनेछै कि उसब सुनैले नै सकैछै। उसब अखुन्‍तो ओहिनङे दसामे छै।”

१ कोरन्‍थी 14:37

कोइ अपनाके अगमबक्‍ता या आत्‍मिक लोक सम्‍झैछै त हमर लिखल बात परभुके आग्‍या चियै कैहके ओकरा सुइकार करे।

२ कोरन्‍थी 10:7

तुसब त बाहरमे देखैबला बात मातरे देखैचिही। यदि कोइ उ खिरिस्‍टके चियै कैहके बिस्‍बास करैछै त, उ आपने आपके याद करे कि जहिना उ खिरिस्‍टमे छै तहिना हम्‍हुसब खिरिस्‍टके चियै।

२ थेसलोनिकी 1:8

तब परमेस्‍वरके नै चिन्‍हैबलासब आ परभु येसुके सुसमाचारके नै मानैबलासबके सजाय देतै।

१ तिमोथी 4:1

पबितर आत्‍मा साफ-साफ कहैछै कि अन्‍तके दिनसबमे अहिनङो लोकसब हेतै जेसब बिस्‍बाससे पछा हटतै। उसब छल करैबला आत्‍माके आ भुतसबके देल सिक्‍छा मान्‍तै।

२ पतरुस 3:2

पहिनेके पबितर अगमबक्‍तासबके बोलल अगमबानी आ तोरासबके परेरितसबसे अपनासबके परभु आ मुक्‍ती दैबला परभुके देल आग्‍या तोरासबके सम्‍झैले परतौ।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

१ युहन्‍ना 4:4

हमर धियापुतासब, तुसब परमेस्‍वरके चिही आ तुसब झुठा अगमबक्‍तासबके जितनेचिही कथिलेत तोरासबमे रहल पबितर आत्‍मा सन्‍सारमे भेल आत्‍मासे सक्‍तिसाली छै।

१ युहन्‍ना 4:8

परेम नै करैबला परमेस्‍वरके नै चिन्‍हैछै कथिलेत परमेस्‍वर परेम चियै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

यहुदा 1:17

महज, हे पिरिय भाइ-भैयासब, अपनासबके परभु येसु खिरिस्‍टके परेरितसबके पहिने कहलहा बातसब याद कर।