१ युहन्‍ना 4:4 - मध्‍य पुरविया थारू

⁴ हमर धियापुतासब, तुसब परमेस्‍वरके चिही आ तुसब झुठा अगमबक्‍तासबके जितनेचिही कथिलेत तोरासबमे रहल पबितर आत्‍मा सन्‍सारमे भेल आत्‍मासे सक्‍तिसाली छै।

१ युहन्‍ना 4:4 ပူးပေါင်းရင်းမြစ်များ

युहन्‍ना 12:31

आब अइ सन्‍सारके नियाय हैबला समय चैल एलछै। अइ सन्‍सारके सासक बाहर निकालल जेतै।

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

युहन्‍ना 16:11

उ तोरासबके परमेस्‍वरके नियाइ कथी चियौ से देखादेतौ। कथिलेत यि सन्‍सारके रजा पहिने दोसी ठहैर गेलछै।”

युहन्‍ना 17:23

हम ओकरासबमे आ अहाँ हमरमे चियै। अहिनङके उसब पुरा रुपसे एक हेबे आ अहाँ हमरा पठाइनेचियै आ जहिनङे अहाँ हमरा परेम करैचियै तहिनङे हमरमे बिस्‍बास करैबलासबके परेम करैचियै से सन्‍सारके लोकसब जाने।

रोमी 8:31

परमेस्‍वरके करल कामसबके बिसयमे अपनासब कथि कहबै त? यदि परमेस्‍वर अपनासबके पक्‍छमेछै त, अपनासबके बिरोधमे के खरा हेतै?

रोमी 8:37

यि सब बात हैतोपरभी अपनासबके परेम करैबला खिरिस्‍टे दुवारा हमसब यि सब चिज उपर बरका जित पाबनेचियै।

१ कोरन्‍थी 2:12

हमसब सन्‍सारके आत्‍मा नै, महज परमेस्‍वरके पबितर आत्‍मा पाबनेचियै, ताकि उ अपनासबके खुसिसे जे चिज देनेछै ओइके बुझैले सकी।

१ कोरन्‍थी 6:13

कोइ कहैछै, “भोजन पेटके लेल आ पेट भोजनके लेल चियै।” महज परमेस्‍वर दुनुके नास करतै। लोकके देह बेबिचारके लेल नै, महज परभुके लेल चियै आ देहके लेल आबस्‍यक चिज परभुवे बन्‍दोबस करैछै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

२ कोरन्‍थी 6:16

परमेस्‍वरके मन्‍दिरके मुरतीसङे कोन समबन्‍ध? कथिलेकी हमसब त जिबित परमेस्‍वरके मन्‍दिर चियै। जनङकी परमेस्‍वर कहनेछै, “हम ओकरासबमे बास करबै आ ओकरासबके बिचमे चल-फिर करबै। हम ओकरासबके परमेस्‍वर हेबै आ उसब हमर परजा हेतै।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

एफिसी 6:10

अन्‍तमे, तुसब परभुमे आ ओकर बरका सक्‍तीसे बलगर हो।

१ युहन्‍ना 2:1

हे हमर दुलरुवा धियापुतासब, तुसब पाप नै करिहे कैहके यि बात तोरासबके खातिर लिखैचियौ। महज कोइ पाप करियोलेतै त अपनासबके दिसनसे पितासङे बिन्‍ती करैबला एक गोरा धरमी येसु खिरिस्‍ट छै।

१ युहन्‍ना 2:13

हौ बाबुसब, हम अहाँसबके लिखैचियै कथिलेत जे सुरुवेसे छेलै ओकरा अहाँसब चिन्‍हैचियै। हे जबानसब, हम तोरासबके लिखरहलचियौ, कथिलेत तुसब ओइ दुस्‍ट सैतानके जितनेचिही।

१ युहन्‍ना 3:20

जब अपनासबके मन आपनेके दोस दैछै, हमसब जानैचियै परमेस्‍वर अपनासबसे महान छै आ उ सब बात जानैछै।

१ युहन्‍ना 3:24

जे परमेस्‍वरके आग्‍यासब पालन करैछै, उ सबगोरा ओकरेमे रहैछै आ परमेस्‍वर ओकरासबमे रहैछै। परमेस्‍वर अपनासबमे बास करैछै से बात परमेस्‍वरके द्‍याल पबितर आत्‍मासे हमसब जानैचियै।

१ युहन्‍ना 4:13

उ अपनासबके पबितर आत्‍मा देलाके कारन हमसब यि जानैचियै कि, हमसब परमेस्‍वरमे रहैचियै आ परमेस्‍वर हमरासबमे रहैछै।

१ युहन्‍ना 4:16

परमेस्‍वर अपनासबके परेम करैछै कैहके हमसब जानैचियै आ ओकर परेममे पुरा बिस्‍बास छै। परमेस्‍वर परेम चियै। जे परेममे रहैछै उ परमेस्‍वरमे रहैछै आ परमेस्‍वर ओकरमे बास करैछै।

१ युहन्‍ना 4:6

अपनासब त परमेस्‍वरके चियै। जे परमेस्‍वरके चिन्‍हैछै, उ अपनासबके बात सुनैछै। जे परमेस्‍वरके लोक नै चियै, उ अपनासबके बात नै सुनैछै। अहैसे अपनासब सतके आत्‍मा आ झुठके आत्‍मा छुटयाइले सकैचियै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

१ युहन्‍ना 5:4

कथिलेकी जे परमेस्‍वरके बेटा-बेटीसब चियै, उ अइ सन्‍सारके जितलैछै। खिरिस्‍टमे बिस्‍बास करैके कारन अपनासब अइ सन्‍सारके जितने चियै।

परकास 12:11

थुमाके लहुसे, ओकरासबके घोसना करल सत बचनसे आ जान तलिक दैले उसब तैयार भेलाके कारन अपनासबके भाइ-भैयासब ओकरा जितनेछै।