१ युहन्‍ना 4:10 - मध्‍य पुरविया थारू

¹⁰ साँचो परेम यि चियै कि, हमसब परमेस्‍वरके परेम नै करलियै महज तैयो परमेस्‍वर अपनासबके परेम करल्‍कै आ अपनासबके पापके बलिहैके लेल आपन बेटाके पठाइल्‍कै।

१ युहन्‍ना 4:10 ပူးပေါင်းရင်းမြစ်များ

युहन्‍ना 13:34

आब हम तोरासबके एकटा लबका आग्‍या दैचियौ, तुसब एक-दोसरके परेम कर। जहिनङ परेम हम तोरासबके करनेचियौ तहिनङे तुहुसब एक-दोसरके परेम कर।

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

युहन्‍ना 6:51

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

हिबरु 2:17

ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

१ पतरुस 2:24

हमसब पापके लेल मैरके धारमिकताके लेल जियैले सकि कैहके खिरिस्‍ट अपनासबके पापसबके खातिर आपन देहमे पाप बोइकके कुरूसमे मरलै। ओकर चोटसबसे तुसब निक भेलचिही।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ युहन्‍ना 2:2

उ अपनासबके पापके दन्‍डसे बचाइके खातिर बलिदान भेलछै आ अपनेसबके खातिर मातरे नै, महज सन्‍सारमे भेल सबलोकके पापके खातिर भेलछै।

१ युहन्‍ना 3:1

देख्‍ही त, पिता अपनासबके कतहेक परेम करने छै, जे साँचोके हमसब परमेस्‍वरके बेटा-बेटी कहाइचियै। सन्‍सारके लोकसब परमेस्‍वरके नै चिन्‍हलाके कारन अपनासबके नै चिन्‍हैछै।

१ युहन्‍ना 4:19

हमसब एक-दोसरके परेम करैचियै कथिलेकी परमेस्‍वर हमरासबके पहनिये परेम करल्‍कै।

१ युहन्‍ना 5:11

उ साक्‍छी यि चियै कि परमेस्‍वर अपनासबके अनन्‍त जिबन देने छै आ उ जिबन ओकर बेटामे छै।