१ युहन्‍ना 3:21 - मध्‍य पुरविया थारू

²¹ हे हमर पिरिय सङिसब, आपने मन अपनासबके दोसी नै ठहराइतौ त अपनासबके परमेस्‍वरके अगा जाइले साहस एतौ।

१ युहन्‍ना 3:21 ပူးပေါင်းရင်းမြစ်များ

रोमी 14:22

यि बातसबमे भेल तोहर बिस्‍बास परमेस्‍वर आ आपने बिचमे राख। उ लोक धैनके चियै, जे अपनासे ठिक ठहर्‌याल चिजके कारन आपनेके दोसी नै ठहराइछै।

१ कोरन्‍थी 4:4

हमर आपने गल्‍ती हमरा थाह नै छै, महज यि हमरा निरदोस चियै कैहके साबित नै करैछै। हमर नियाय परभुवे करतै।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

एफिसी 3:12

येसु खिरिस्‍टमे बिस्‍बास करैके कारन हमसब साहस आ भरोसाके साथ परमेस्‍वरके अगा आबैले पाबैचियै।

१ तिमोथी 2:8

तैदुवारे हरेक ठाम जते आराधना हैछै, ओते पुरुखसब बिना रिस-खिस आ बाद-बिबाद आपन पबितर हाथ उठाके परथना करे कैहके हम चाहैचियै।

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

हिबरु 4:16

अहैलेल अपनासब परमेस्‍वरके अनुगरहके सिंहासनके अगा निडर भ्‍याके चल आ खाचो परलहा समयमे सहायता पाबैके लेल किरपा आ अनुगरह पाबैले सकी।

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

१ युहन्‍ना 2:7

पिरिय सङिसब, हम तोरासबके लबका आग्‍या नै, महज वह्‍या पुरन्‍के आग्‍या लिखैचियौ। जे सुरुवेसे चलल एल पुरन्‍का आग्‍या चियै। यि पुरन्‍का आग्‍या तोरासबके सुनलेहे बचन चियौ।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

१ युहन्‍ना 3:20

जब अपनासबके मन आपनेके दोस दैछै, हमसब जानैचियै परमेस्‍वर अपनासबसे महान छै आ उ सब बात जानैछै।

१ युहन्‍ना 4:17

अहिनङे अपनासबके परेम सिध हैतजेतै आ नियाइके दिनमे अपनासबके डराबे नै परतै, कथिलेकी खिरिस्‍ट जहैनछै, तहिनङे अपनोसब यि सन्‍सारमे चियै।

१ युहन्‍ना 5:14

परमेस्‍वरके इक्‍छा बमौजी जे कुछ माङैचियै उ अपनासबके परथना सुनैछै कैहके अपनासबके पुरा बिस्‍बास छै।