१ युहन्‍ना 2:8 - मध्‍य पुरविया थारू

⁸ तैयो हम तोरासबके खातिर एकटा लबका आग्‍या लिखरहल चियौ, जे येसु खिरिस्‍ट आ तोरासबमे सत देखा परल छौ, कथिलेत अन्‍हार हटे लागल छै आ सतके इजोत पहिनेसे चमैकरहल छै।

१ युहन्‍ना 2:8 ပူးပေါင်းရင်းမြစ်များ

मतीके लिखल सुसमाचार 4:16

अन्‍हारमे बैठल लोकसब एकटा बरका इजोत देखने छै। जेसब मिरतुके छाह भेल परदेसमे बैठल छेलै, तकरासबमे इजोत चमकल छै।”

लुका 1:79

अन्‍हारमे बैठलहा आ मिरतुके छाहमे परलाहासबके मुक्‍तीके इजोत देतौ आ हमरासबके सान्‍तीके रस्‍तामे ल्‍याजेतै।”

युहन्‍ना 1:9

साँचोके इजोत उ चियै जे सन्‍सारके सबकोइके इजोत दैछै उ इजोत आइबरहल छेलै।

युहन्‍ना 12:35

तब येसु ओइसबके कहल्‍कै, “औरो कुछ समयतलिक इजोत तोरासबसङे छौ। इजोत रैहते तुसब चलफिर कर, नै त अन्‍हार तोरासबके झाइपदेतौ। जे अन्‍हारमे चलैछै, उ कते ज्‍यारहल छै से उ नै जानैछै।

युहन्‍ना 12:46

हम सन्‍सारके इजोत बैनके एलचियै, तैल्‍याके हमरा बिस्‍बास करैबला कोइने अन्‍हारमे रहतै।

युहन्‍ना 13:34

आब हम तोरासबके एकटा लबका आग्‍या दैचियौ, तुसब एक-दोसरके परेम कर। जहिनङ परेम हम तोरासबके करनेचियौ तहिनङे तुहुसब एक-दोसरके परेम कर।

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

परेरित 17:30

अहैले पहिने अनजानमे करल कामके परमेस्‍वर धियान नै दैछै। महज आब परमेस्‍वर सब ठामके लोकसबके ‘आपन-आपन पाप माइनके पस्‍चाताव करै’ कैहके आग्‍या देने छै।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

रोमी 13:12

रात बितगेलै आ दिन नजदिक आइबगेल छै। तैल्‍याके अपनासब अन्‍हारमे करैबला खराब काम छोइरके इजोतमे करैबला असल काम करैले तैयार रह।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

एफिसी 5:8

पहिने तुसब अन्‍हारमे छेल्‍ही महज आब परभुके लोक भेलाके कारन इजोतमे चिही। तैखातिर तुसब इजोतके धियापुतासब जखा बेबहार कर।

२ तिमोथी 1:10

जे अनुगरह आब हमरासबके मुक्‍तीदाता येसु खिरिस्‍ट एलासे परकट भेल छै। परभु येसु मिरतुके नास कैरके सुसमाचारमे अजर-अमर जिबन परकट करने छै।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।

१ युहन्‍ना 4:11

हमर पिरिय सङिसब, परमेस्‍वर अपनासबके अतहेक परेम करने छै त अपनोसबके एक-दोसरके परेम करेपरतै।

१ युहन्‍ना 4:21

जे परमेस्‍वरके परेम करैछै, ओकरा आपन भाइयोके परेम करे परतै। एह्‍या आग्‍या खिरिस्‍ट अपनासबके देने छै।