१ युहन्‍ना 2:5 - मध्‍य पुरविया थारू

⁵ महज जे परमेस्‍वरके बचनके पालन करैछै उ परमेस्‍वरके साँचो परेम करैछै। ओहैसे अपनासब ओकरमे चियै से जानैचियै।

१ युहन्‍ना 2:5 ပူးပေါင်းရင်းမြစ်များ

लुका 11:28

महज येसु कहल्‍कै, “उसब धैनके चियै, जेसब परमेस्‍वरके बचन सुनैछै आ मानैछै।”

युहन्‍ना 14:21

हमरा परेम करैबला उ चियै जे हमर आग्‍या सुइकार करैछै आ ओकर पालन करैछै। जे हमरा परेम करतै ओकरा हमर पितो परेम करतै। हम्‍हु ओकरा परेम करबै आ ओकरमे हम आपनके परगट करबै।”

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

युहन्‍ना 15:5

“अङगुरके लती हम्‍ही चियौ, तुसब ठाइर चिही। यदी कोइ हमरमे रहतै आ हम ओकरमे रहबै त, उ बहौत फल फराइतै, कथिलेकी हमरसे अलग रैहके तुसब कुछो करैले नै सकबिही।

युहन्‍ना 6:56

हमर देह खाइबला आ हमर लहु पियैबला हमरमे रहैछै आ हम ओकरमे रहैचियै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

२ कोरन्‍थी 5:17

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

याकुब 2:22

बिस्‍बास आ काम सङ-सङे रहैछै से बात नै देखलिही? ओकर आग्‍या पालनसे ओकर बिस्‍बास परमानित भेलै।

१ युहन्‍ना 3:24

जे परमेस्‍वरके आग्‍यासब पालन करैछै, उ सबगोरा ओकरेमे रहैछै आ परमेस्‍वर ओकरासबमे रहैछै। परमेस्‍वर अपनासबमे बास करैछै से बात परमेस्‍वरके द्‍याल पबितर आत्‍मासे हमसब जानैचियै।

१ युहन्‍ना 4:17

अहिनङे अपनासबके परेम सिध हैतजेतै आ नियाइके दिनमे अपनासबके डराबे नै परतै, कथिलेकी खिरिस्‍ट जहैनछै, तहिनङे अपनोसब यि सन्‍सारमे चियै।

१ युहन्‍ना 4:18

परेममे डर नै हैछै महज सिध परेम डरके दुर कैरदैछै। कथिलेकी डरके सङहत त दन्‍डके जरे हैछै आ जे डराइछै उ परेममे सिध नै रहैछै।

१ युहन्‍ना 5:2

जब हमसब परमेस्‍वरके परेम करैचियै आ ओकर आग्‍यासब पालन करैचियै, तब ओहैसे जानैचियै कि, हमसब परमेस्‍वरके बेटा-बेटीके परेम करैचियै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

२ युहन्‍ना 1:6

परेम करनाइके मतलब ओकर आग्‍या अनुसार जिबन जिनाइ चियै। तोरासबके सुरुवेसे सुनल आग्‍या एह्‍या चियौ कि तुसब सबगोरा परेममे चल।

परकास 12:17

तब उ अजेगर ओइ जनीसङे औरो खिस्‍याइलै आ ओकर सन्‍तान, परमेस्‍वरके आग्‍या मानैबलासब आ येसुके साक्‍छी दैबलासब सङे लराइ करे गेलै।

परकास 14:12

अकर मतलब परमेस्‍वरके आग्‍यापालन करैबला आ येसुमे बिस्‍बास करैबला परमेस्‍वरके जनसब धिरज करेपरतै।