१ युहन्‍ना 2:3 - मध्‍य पुरविया थारू

³ यदि अपनासब ओकर आग्‍यापालन करबै त अहैसे अपनासब जान्‍बै कि अपनासब ओकरा चिन्‍हैचियै।

१ युहन्‍ना 2:3 ပူးပေါင်းရင်းမြစ်များ

लुका 6:46

“हमर कहल बात नै करैचिही आ नै मानैचिही त तुसब कथिले हमरा ‘परभु, परभु’ कहैचिही?

युहन्‍ना 14:15

“यदी तुसब हमरा परेम करैचिही त हमर देल आग्‍यासबके मानबिही।

युहन्‍ना 15:10

जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

युहन्‍ना 15:14

यदी तुसब हमर देल आग्‍यापालन करैचिही त, तुसब हमर सङी चिही।

युहन्‍ना 17:3

अनन्‍त जिबन एह्‍या चियै कि, उसब अहाँ एक मातरे सत परमेस्‍वरके आ अहाँके पठाएल येसु खिरिस्‍ट चियै से जाने।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

१ युहन्‍ना 2:13

हौ बाबुसब, हम अहाँसबके लिखैचियै कथिलेत जे सुरुवेसे छेलै ओकरा अहाँसब चिन्‍हैचियै। हे जबानसब, हम तोरासबके लिखरहलचियौ, कथिलेत तुसब ओइ दुस्‍ट सैतानके जितनेचिही।

१ युहन्‍ना 3:14

अपनासब जानैचियै कि मिरतुके मुहसे निकैलके जिबनमे पुइगगेल चियै कारन अपनासब एक दोसरके परेम करैचियै। जे लोकसब परेम नै करैछै उ मिरतुके बन्‍धनमे रहैछै।

१ युहन्‍ना 3:19

अहैसे अपनासब सतके लोकसब चियै से जानैचियै आ परमेस्‍वरके अगा निरधक साथ रहैचियै।

१ युहन्‍ना 3:6

जे खिरिस्‍टमे रहैछै से लोक पाप नै करैतरहैछै। महज पाप करैबला लोक ओकरा नै त देखनेछै नै त चिन्‍हैछै।

१ युहन्‍ना 4:13

उ अपनासबके पबितर आत्‍मा देलाके कारन हमसब यि जानैचियै कि, हमसब परमेस्‍वरमे रहैचियै आ परमेस्‍वर हमरासबमे रहैछै।

१ युहन्‍ना 4:7

पिरिय सङिसब, अपनासब एक दोसरके परेम करु कथिलेत परेम परमेस्‍वरेसे आबैछै। परेम करैबला परमेस्‍वरके धियापुता चियै आ उ परमेस्‍वरके चिन्‍हैछै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

१ युहन्‍ना 5:2

जब हमसब परमेस्‍वरके परेम करैचियै आ ओकर आग्‍यासब पालन करैचियै, तब ओहैसे जानैचियै कि, हमसब परमेस्‍वरके बेटा-बेटीके परेम करैचियै।

१ युहन्‍ना 5:3

परमेस्‍वरसे परेम करनाइके मतलब ओकर आग्‍यासबके पालन करनाइ चियै। ओकर आग्‍यासब हमरासबके लेल भैरगर नै छै।

परकास 12:17

तब उ अजेगर ओइ जनीसङे औरो खिस्‍याइलै आ ओकर सन्‍तान, परमेस्‍वरके आग्‍या मानैबलासब आ येसुके साक्‍छी दैबलासब सङे लराइ करे गेलै।

परकास 14:12

अकर मतलब परमेस्‍वरके आग्‍यापालन करैबला आ येसुमे बिस्‍बास करैबला परमेस्‍वरके जनसब धिरज करेपरतै।

परकास 22:14

उसब धैनके चियै, जे आपन बस्‍तर धोइबके साफ करैछै। उसब जिबनके गाछके फल खाइले आ ओइ सहरके देहरीसे भितर जाइले पाबतै।