१ युहन्‍ना 2:27 - मध्‍य पुरविया थारू

²⁷ महज खिरिस्‍ट पबितर आत्‍मा तोरासबके देनेछौ। तोरासबके उपर पबितर आत्‍मा रहैतलिक कोइ नै तोरासबके सिखाइतौ कथिलेत पबितर आत्‍मा सब सिखाइतौ। ओकर सिख्‍याल सब बात सत हैछै, झुठ नै। पबितर आत्‍माके देल सिक्‍छा बमौजी खिरिस्‍टमे रह।

१ युहन्‍ना 2:27 ပူးပေါင်းရင်းမြစ်များ

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।

युहन्‍ना 14:16

हम पितासे बिन्‍ती करबै आ उ तोरासबसङे सबदिन रहैके खातिर एक गोरा सल्‍लाह दैबला पठाइतौ।

युहन्‍ना 14:17

उ पबितर आत्‍मा चियै जे सब सत्‍यतामे अगुवाइ करैछै। जकरा सन्‍सार गरहन नै करे सकैछै कथिलेत सन्‍सार ओकरा नै देखैछै नै चिन्‍हैछै। महज तुसब ओकरा चिन्‍हैचिही कथिलेत उ तोरासबसङे-सङे रहतौ आ उ तोरासबमे बास करतौ।

युहन्‍ना 14:26

महज पिता हमर नाममे पठाइबला सल्‍लाहकार पबितर आत्‍मा तोरासबके सब बात सिखाइतौ आ हमर कहल सब बात तोरासबके मन पाइरदेतौ।

युहन्‍ना 16:13

महज सतके आत्‍मा जब एतौ तब उ तोरासबके सब बातसब बुझाइतौ। उ आपने दिसनसे बात नै करतौ महज उ जे सुन्‍तौ, ओह्‍या तोरासबके कहतौ तब पाछे हैबला बातसब सोहो कहतौ।

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 6:45

अगमबक्‍ताके किताबमे एहेन लिखलछै, ‘सबलोक परमेस्‍वरसे सिख्‍यालजेतै।’ जे कोइ पिताके सिक्‍छा सुनैछै आ सिखैछै से कोइ हमरलग आबैछै।

१ कोरन्‍थी 2:12

हमसब सन्‍सारके आत्‍मा नै, महज परमेस्‍वरके पबितर आत्‍मा पाबनेचियै, ताकि उ अपनासबके खुसिसे जे चिज देनेछै ओइके बुझैले सकी।

१ कोरन्‍थी 2:13

जे बात हमसब परचार करैचियै, उ बातसब कोनो लोकके बुइधसे सिखेल्‍हा बातसब नै, महज पबितर आत्‍मासे सिख्‍याल बात बोलैचियै आ पबितर आत्‍मा पाबलहा लोकसबके आत्‍मिक सतके बातसबके अरथ खोइलदैचियै।

२ कोरन्‍थी 1:21

परमेस्‍वरे हमरासबके आ तोरासबके खिरिस्‍ट येसुमे अस्‍थिर बनाइनेछै आ अपनासबके नियुक्‍त करने छै।

एफिसी 4:21

साँचोके तुसब येसुके सिक्‍छा सुइनके ओकर चेला भेलाके कारन, ओकर बारेमे सत बात सिखनेचिही।

कलस्‍सी 2:6

जहिनङ खिरिस्‍ट येसुके तुसब परभु कैहके सुइकार करलिही तहिनङ तुसब ओकरमे रैहके जिबन बिता।

१ थेसलोनिकी 2:13

हमसब परमेस्‍वरके धन्‍यबाद चरहाइते रहैचियै, कथिलेकी जै परमेस्‍वरके सत बचन हमसब तोरासबके सुनेलियौ तुसब उ बचन लोकसबके चियै कैहके नै महज परमेस्‍वरके सत बचन छै बुइझके गरहन करलिही। उ बचन तोरासबके बिस्‍बासीसबके जिबनमे काम कैर रहल छौ।

१ थेसलोनिकी 4:9

एक दोसरके परेम करे परैछै तैके बारेमे तोरासबके लेल लिखैके कोनो जरुरी नै छै, कथिलेकी परमेस्‍वर आपनेसे तोरासबके एक दोसरके परेम करे परैछै कैहके सिखाइने छौ।

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

१ पतरुस 1:23

तुसब बिनास हैबला बियासे नै, बरु अभिनासी परमेस्‍वरके जिबित आ कहियो नास नै हैबला बचनसे लया जलम पाबनेचिही।

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

१ युहन्‍ना 3:24

जे परमेस्‍वरके आग्‍यासब पालन करैछै, उ सबगोरा ओकरेमे रहैछै आ परमेस्‍वर ओकरासबमे रहैछै। परमेस्‍वर अपनासबमे बास करैछै से बात परमेस्‍वरके द्‍याल पबितर आत्‍मासे हमसब जानैचियै।

२ युहन्‍ना 1:2

कथिलेकी उ सत हमरासबमे छै आ सबदिन रहबे करतै।