१ युहन्‍ना 2:17 - मध्‍य पुरविया थारू

¹⁷ सन्‍सार आ सन्‍सारके कुइक्‍छासब ओर्‌या जाइछै, महज परमेस्‍वरके इक्‍छामे चलैबला लोक सबदिन जिबित रहतै।

१ युहन्‍ना 2:17 ပူးပေါင်းရင်းမြစ်များ

मतीके लिखल सुसमाचार 21:31

आब यि दुइ बेटासबमे के आपन बाबुके आग्‍या मानल्‍कै?” तब उसब जबाफ देल्‍कै, “पहिन्‍का बेटा।” तब येसु उसबके कहल्‍कै, “साँचेके हम तोरासबके कहैचियौ, बटी उठाइबलासब आ बेस्‍यासब तोरासबसे अगा परमेस्‍वरके राजमे परबेस करतौ।

मतीके लिखल सुसमाचार 24:35

स्‍वरग आ पिरथिबी बित जेतै, महज हमर बचन रहबे करतै।

मतीके लिखल सुसमाचार 7:21

“हमरा ‘हे परभु, हे परभु’ कहैबला कोइ नै स्‍वरगके राजमे ढुकैले सक्‍तै। महज जे स्‍वरगमे रहैबला पिताके इक्‍छा पालन करतै उ लोक मातरे स्‍वरगके राजमे ढुकैले पाबतै।

मरकुस 3:35

कथिलेत जे परमेस्‍वरके इक्‍छा पालन करैछै, उहे हमर माँ आ हमर भाइ आ हमर बहिन चियै।”

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 6:58

यि उ रोटी नै चियै, जे तोरासबके पिता-पुरखासब खेल्‍कौ आ मैरगेलौ। महज जे यि रोटी खेतै, उ सबदिन जिबित रहतै।”

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

रोमी 12:2

अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

१ कोरन्‍थी 7:31

जेसब सन्‍सारके चिज-बिज उपभोग करैछै उसब तैके कोनो वस्‍ते नै करल जखा करे, कथिलेत अइ सन्‍सारके चिजसब नास भ्‍यारहल छै।

कलस्‍सी 1:9

तैखातिर हमसब यि बात जहियासे सुन्‍नेचियै तहियेसे तोरासबके खातिर हरदम परथना करैत आइबरहलचियौ। पबितर आत्‍मासे मिलल पुरा आत्‍मिक ग्‍यान आ समझसे परमेस्‍वरके पुरा इक्‍छा जानैले सक कैहके हमरासबके परथना छै।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

१ थेसलोनिकी 4:3

तुसब पबितर रह कैहके परमेस्‍वरके इक्‍छाछै। अहैलेल तुसब बेबिचारसे अलग रह।

१ थेसलोनिकी 5:18

केहनो परिस्‍थितीमे परमेस्‍वरके धन्‍यबाद दहै, कथिलेकी येसु खिरिस्‍टमे तोरासबके लेल परमेस्‍वरके इक्‍छा यिहे चियौ।

हिबरु 10:36

परमेस्‍वरके इक्‍छा पुरा करनाइ आ ओकर परतिग्‍या करल बात पाबैके लेल तोरासबके अस्‍थिर रहैये परतौ

याकुब 4:14

बिहानके कथी हेतै, तुसब किछो नै जानैचिही। तोहर जिन्‍गी कथी चियौ? तोरासबके जिन्‍गी त कुछ समय देखा परैबला आ बिल्‍या जाइबला बाँफ जखा त चियौ।

१ पतरुस 1:5

तुसब बिस्‍बास करलाके कारन परमेस्‍वरके सक्‍तिसे सुरक्‍छित रहलचिही। उ मुक्‍ती तोरासबके खातिर तैयार करनेछौ जे अन्‍तिम समयमे परगट हेतौ।

१ पतरुस 4:2

आबसे तुसब अइ पिरथिबीमे बाचै तलिक आपन जिबन लोकके जखा अधलाह इक्‍छामे नै, महज परमेस्‍वरके इक्‍छा अनुसारके जिबन बिता।