१ युहन्‍ना 2:14 - मध्‍य पुरविया थारू

¹⁴ हौ बाबुसब, हम अहाँसबके लिखैचियै, कथिलेकी जे सुरुवेसे चियै ओकरा अहाँसब चिन्‍हने चियै। हे कन्‍की धियापुतासब, हम तोरासबके लिखैचियौ। कथिलेत तुसब परमेस्‍वर पिताके चिन्‍हनेचिही। हे जबानसब, हम तोरासबके यि लिखैचियौ, कथिलेकी तुसब बौकार चिही आ परमेस्‍वरके बचन तोरासबके हिरदयमे रहलाके कारन तुसब दुस्‍ट सैतानके जितलेने चिही।

१ युहन्‍ना 2:14 ပူးပေါင်းရင်းမြစ်များ

युहन्‍ना 15:7

यदी तुसब हमरमे रहबिही आ हमर बचन तोरासबमे रहतौ त, तुसब जे माङैले चाहैचिही से माङ आ उ तोरासबके देतौ।

युहन्‍ना 5:38

ओकर बचन तोरासबके मनमे नै रहैछौ, कारन जकरा उ पठेल्‍कै तुसब ओकरमे बिस्‍बास नै करैचिही।

युहन्‍ना 8:31

येसु आपन उपर बिस्‍बास करैबला यहुदीसबके कहल्‍कै, “यदि तुसब हमर बचनके पालन करैत रहबिही त, साँचोके तुसब हमर चेला चिही।

युहन्‍ना 8:37

हम जानैचियै कि तुसब अबराहमके धियापुतासब चिही तैयो तुसब हमरा मारैले चाहैचिही कथिलेकी हमर बचन तोरासबके हिरदयमे राखैके ठाम नै छौ।

एफिसी 6:10

अन्‍तमे, तुसब परभुमे आ ओकर बरका सक्‍तीसे बलगर हो।

फिलिप्‍पी 4:13

खिरिस्‍टके देल सक्‍तीसे हम सबचिज करैले सकैचियै।

कलस्‍सी 1:11

परमेस्‍वरके महिमीत सक्‍ती तोरासबके बलगर बनाबे कैहके हमरासबके परथना छै, तब मातरे तुसब अस्‍थिर भ्‍याके सब चिज आनन्‍दसे सहन करैले सकबिही।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

२ तिमोथी 2:1

हमर दुलरुवा बेटा तिमोथी, येसु खिरिस्‍टके अनुगरहसे बलगर हैत जो।

हिबरु 8:10

परमपरभु कहैछै, ‘आबैबला दिनमे हम इजराएलके लोकसबसङे यि करार बान्‍हबै। तोरासबके मनमे हम आपन बेबस्‍था राइखदेबौ, तोरासबके हिरदयमे उ लिखदेबौ। हम तोरासबके परमेस्‍वर हेबौ आ उसब हमर लोक हेतै।’

१ युहन्‍ना 1:1

सुरुवेसे भेल, हमसब आपने कानसे सुनल, आपने आँखसे देखल यि जिबन दैबला बचनके बिसयमे तोरासबके लिखैचियौ जकरा हमसब गौरसे देख्‍ने चियै आ आपने हाथसे छुबने चियै।

१ युहन्‍ना 1:10

यदि हमसब कोनो पाप नै करनेचियै कहैचिही त परमेस्‍वरके झुठा ठहराइचिही आ ओकर बचन अपनासबमे नै रहतौ।

१ युहन्‍ना 2:13

हौ बाबुसब, हम अहाँसबके लिखैचियै कथिलेत जे सुरुवेसे छेलै ओकरा अहाँसब चिन्‍हैचियै। हे जबानसब, हम तोरासबके लिखरहलचियौ, कथिलेत तुसब ओइ दुस्‍ट सैतानके जितनेचिही।

२ युहन्‍ना 1:2

कथिलेकी उ सत हमरासबमे छै आ सबदिन रहबे करतै।

३ युहन्‍ना 1:3

कतहेक बिस्‍बासी भाइसब आइबके तोहर बारेमे बताइल्‍कै कि तु सत्‍यता आ बिस्‍बासयोग्‍यमे चैलरहलचिही, तब हमरा बहौत खुसी लागल।

परकास 2:3

हमरा थाहछै, तुसब धिरज कैरके सहन करनेचिही आ हमर नाउके खातिर कस्‍ट पाबियोके हमरा नै त्‍यागने चिही।

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”