१ कोरन्‍थी 9:5 - मध्‍य पुरविया थारू

⁵ कि औरो परेरितसब जखा, परभुके भाइसब आ पतरुस जखा हम्‍हुसब आपन घरबाली ल्‍याके यातरा करैके अधिकार नै छै से?

१ कोरन्‍थी 9:5 ပူးပေါင်းရင်းမြစ်များ

मतीके लिखल सुसमाचार 13:55

कि यि काठ मिस्‍तिरीके बेटा नै चियै? कि अकर माँ के नाम मरियम आ अकर भाइसब याकुब, योसेफ, सिमोन आ यहुदा नै चियै?

मतीके लिखल सुसमाचार 8:14

तकरबाद येसु पतरुसके घरमे गेलै। ओइ बखत पतरुसके सौसके जर बोखारसे ओकरा बिछोनामे परल देखल्‍कै।

मरकुस 1:30

तै बखत सिमोनके सौसके जर बोखार लागल छेलै आ येसु पुगते मातर यि बात उसब ओकरा सुन्‍यादेल्‍कै।

मरकुस 6:3

कि यि ओह्‍या काठ मिसतिरी नै चियै से? कि यि मरियमके बेटा आ याकुब, योसेफ, यहुदा आ सिमोन के भैया नै चियै से? कि अकर बहिनसब अपनासबके सङे नै छै से?” तब उसब पिताइलै आ ओकरा बिस्‍बासे नै करल्‍कै।

लुका 6:15

मती, थोमा, याकुब (अल्‍फयासके बेटा) आ सिमोन (जकरा देसभक्‍त कैहके चिन्‍हैछै),

लुका 8:20

येसुके कोइ कहल्‍कै, “अहाँके माँ आ भाइसब अहाँके भेटैले बाहरमे असियालछै।”

युहन्‍ना 1:42

अन्‍दिरियास सिमोनके येसु लग ल्‍यागेलै। येसु सिमोनके देखके कहल्‍कै, “तु युहन्‍नाके बेटा सिमोन चिही। देख तु केफास कहाइबिही।” (केफास गिरिक भसामे पतरुस कहैछै।)

युहन्‍ना 2:12

तकरबाद येसु आपन माँ, भाइ आ चेलासब सङे कफरनहुम सहरमे गेलै आ कुछदिन उसब ओतै रहलै।

परेरित 1:14

ओइमेसे कतहेक छौरी-मौगी आ येसुके माँ मरियम आ ओकर भाइसब सङे उसब एके मनके भ्‍याके लगातार परथना करैतरहै।

रोमी 16:1

आब हम अपनासबके बहिन फिबीसङे तोरासबके चिनजान कराबैले चाहैचियौ, जे किङकिरिया सहरके मन्‍डलीमे सेबा करैछै।

१ कोरन्‍थी 1:12

हमर कहैके मतलब यि चियै कि, तोरासबमेसे कोइ “हम पावलके” कोइ “हम अपोल्‍लोसके” त कोइ “हम पतरुसके” त कोइ “हम खिरिस्‍टके” चियै कैहके सुनैचियौ।

१ कोरन्‍थी 7:15

महज बिस्‍बास नै करैबला घरबला या घरबाली अलग हैले चाहैछै त, उसब अलग हेबे। ओइ बखत बिस्‍बास करैबला घरबला या घरबाली बियाह बन्‍धनसे स्‍वतन्‍तर हैछै। कथिलेत परमेस्‍वर तोरासबके सान्‍तीमे रहैले बोलाइनेछै।

१ कोरन्‍थी 7:39

जाबेतक घरबला जिबित रहैछै ताबेतक घरबाली आपन घरबलाके अधिनमे रहैछै। महज ओकर घरबलाके मिरतु भेलाके बाद उ स्‍वतन्‍तर हैछै आ उ जकरसे बियाह करैके मन लागैछै तकरसे बियाह करे सकैछै महज उ बिस्‍बासी हैकेचाही।

१ कोरन्‍थी 7:7

सबलोक हमरे जखा बियाह नै कैरके रहे से हमर इक्‍छाछै। महज कोनो लोक परमेस्‍वरसे बियाह करैबला बरदान पाबने छै त कोनो लोक नै करैबला।

१ कोरन्‍थी 7:8

आब हम बियाह नै करलाहासब आ बिधुवासबके कहैचियौ, कि तुसब हमरे जखा बियाह नै करबिही त असल हेतौ।

गलाती 1:19

महज परभुके भाइ याकुबके छोइरके हम औरो कोनो परेरितके नै भेटलियै।

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

१ तिमोथी 4:3

उसब बियाह नै कर कैहके लोकसबके कहैछै आ बहुतो एहेन खाइबला चिजसब खाइले नै मिलैछै कैहके सिखाइछै। महज सत बात जानैबला बिस्‍बासी लोक धन्‍यबाद द्‍याके परमेस्‍वरके सिरिस्‍टी करल सब चिज खाइले सकैछै।

१ तिमोथी 5:2

ओहिनङके बुढ जनिसबके आपन माँ जखा आ छोटसबके पबितर मनसे बहिन जखा बेबहार कर।

तितस 1:6

मन्‍डलीके एल्‍डरसब निरदोस जिबन बिताइबला आ एकेटा घरबाली भेल लोक रहैके चाही। ओकर बेटा-बेटी बिस्‍बासी, असल चरितर आ कहल मानैबला हैकेचाही।

हिबरु 13:4

सब लोकसबके बिचमे बियाह आदरनिय हेबे। घरबला आ घरबाली बिचके बैबाहिक जिबन बिस्‍बास योग्‍य हैकेचाही। कथिलेकी अनैतिक काम करैबला आ दोसरके घरबला या घरबालीसङे बिगरैबला सबके परमेस्‍वर दन्‍ड देतै।