१ कोरन्‍थी 9:20 - मध्‍य पुरविया थारू

²⁰ जब हम यहुदीसबके बिचमे काम करैछेलियै तब खिरिस्‍टमे उसब बिस्‍बास करे कैहके हम यहुदी जखा भेलियै। तहिनङे मोसाके देल बेबस्‍थाके अधिनमे रहैबलासब खिरिस्‍टमे बिस्‍बास करे कैहके हम बेबस्‍थाके अधिनमे नै रहियोकेभी बेबस्‍थाके अधिनमे रहल जखा भेलियै।

१ कोरन्‍थी 9:20 ပူးပေါင်းရင်းမြစ်များ

परेरित 16:3

ओकरा पावल आपनसङे लजाइले मन करल्‍कै। ओते रहैबला यहुदीसबके खातिर उ तिमोथीके यहुदी चलन अनुसार खतना कैरदेल्‍कै। कथिलेत ओइ इलाकामे रहैबला सब यहुदीसबके थाह रहै कि ओकर बाप गिरिक छेलै।

परेरित 18:18

बहौत दिनतक पावल कोरिन्‍थके परभुमे बिस्‍बास करैबला बिस्‍बासीसब सङे रहलै। तकरबाद उ पिरिस्‍किला आ अकिलास सङे समुन्‍दरके रस्‍ता हैत सिरिया इलाका दिसन जाइले लाग्‍लै। कुछ समय पैहनिये कौबला करलाके कारन पावल किङकिरिया सहरमे पानी जहाद चरहैसे पैहने आपन केस कटाइल्‍कै।

रोमी 11:14

हमर करल यि सेबासे आपने यहुदी जातिके लोकसबके डाही बनाइले सकी आ ओइसबमेसे कोइ-कोइ पस्‍चाताप कैरके परमेस्‍वरमे बिस्‍बास करे कैहके हमर आसा छै।

रोमी 3:19

बेबस्‍थाके बात त बेबस्‍थाके अधिनमे रहैबला लोकसबके लेल चियै कैहके हमरासबके थाहछै। ओहैसे परमेस्‍वर सन्‍सारके नियाय करैतखिना हम पाप नै करनेचियै कैहके बहाना बनाबे नै सक्‍तै।

गलाती 2:19

कथिलेत हम त बेबस्‍थाके पालन करैले खोजलियै त ओह्‍या बेबस्‍था हमरा दोस लगेल्‍कै। तब परमेस्‍वरके लेल जिये सकी कैहके बेबस्‍थाके पालन कैरके मुक्‍ती पाबैके लेल कोसिस करैले छोइरदेलियै।

गलाती 4:21

बेबस्‍थाके अधिनमे रहैले चाहैबलासब हमरा यि कह, बेबस्‍था कि कहैछै तोरासबके थाह नै छौ?

गलाती 4:5

बेबस्‍थाके अधिनमे रहैबलासबके दाम तिरके छुटकरा दैले उ पठ्‍याल गेलै ताकि हमसब बेटाके पुरा हक पाबैले सकी।

गलाती 5:18

महज तुसब पबितर आत्‍माके अगुवाइसे चलैचिही त, तुसब बेबस्‍थाके अधिनमे नै चिही।