१ कोरन्‍थी 9:14 - मध्‍य पुरविया थारू

¹⁴ अहिनङे सुसमाचार परचार करैबलासब सुसमाचारेसे गुजारा चलाबे कैहके परभु आग्‍या देनेछै।

१ कोरन्‍थी 9:14 ပူးပေါင်းရင်းမြစ်များ

मतीके लिखल सुसमाचार 10:10

रस्‍ताके लेल नै झोरा, नै फेरैबला जमा-जोरा, नै जुता आ नै लाठी ले, कथिलेत जन आपन भोजन पाबैके योग्‍य हैछै।

लुका 10:7

तुसब घर-घर नै घुम। एके घरमे रह, जे चिज तोरासबके खाइले देतौ ओह्‍या खो आ पि। कथिलेत काम करैबला आपन बैनके योग्‍यके हैछै।

लुका 10:8

ओहिनङे जब तुसब कोनो सहरमे जेब्‍ही आ उसब तोरासबके स्‍वागत करतौ तब तोरासबके लेल तैयार करलाहा खाना खो।

परेरित 18:3

उसब पाल बनाइबला काम कैरके जिबीका चलाबैतरहै। पावल ओकरेसबकेसङे रहलै कथिलेत ओहो ओहैसब जखा पाल बनाइनला काम कैरके जिबीका चलाबैतरहै।

१ कोरन्‍थी 4:15

तोरासबके खिरिस्‍ट येसुके बारेमे सिखाइबला दसो हजार गुरुसब भेलोपर पिता त बहुत नै छौ। महज सुसमाचार परचार कैरके खिरिस्‍ट येसुमे हम तोरासबके पिता भेलचियौ।

१ कोरन्‍थी 9:11

तोरासबके बिचमे हमसब आत्‍मिक बिया छिटने चियौ। यदि हमसब तोरासबसे कुछ चिज लैचियौ त, कि उ अनियाय भेलौ से?

१ कोरन्‍थी 9:12

यदि तोरासबसे औरो परचार करैबलासब मुनासिब हकके दाबी करैछौ त कि हमरासबके झन बेसी हक नै छै? महज यि हक हमसब उपयोग नै करनेचियै। खिरिस्‍टके सुसमाचार सुनाबैले कोनो बाधा नै हेबे कैहके सबकुछ सैहके रहैचियै।

१ कोरन्‍थी 9:16

यदि हम सुसमाचार परचार करैचियै त ओइमे घमन्‍ड करैबला कोनो कारन नै छै, कथिलेत यि काम हमरा करैयै परतै। हम सुसमाचार परचार नै करबै त हमरा धिक्‍कार छै।

१ कोरन्‍थी 9:4

कि हमरासबके खाइ-पियैके अधिकार नै छै?

२ कोरन्‍थी 2:12

जब हम तरोआस सहरमे खिरिस्‍टके बारेमे सुसमाचार परचार करैले एलियै तब परभु हमर लेल दुवार खोइलदेने छेलै।

गलाती 6:6

बचनके सिक्‍छा पाबैबला सबकोइ आपन सब असल चिजसब बचन सिखाइबलासङे बाँटचुट करे।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।