१ कोरन्‍थी 8:1 - मध्‍य पुरविया थारू

¹ आब हम मुरुतिके चरह्‍याल खाइबला चिजके बारेमे कहैचियौ। अपनासब जान्‍बे करैचियै कि, अकर बारेमे अपनासब सङे ग्‍यान छै। ग्‍यान लोकके घमन्‍डी बनाबैछै महज परेम लोकके उन्‍नती कराबैछै।

१ कोरन्‍थी 8:1 ပူးပေါင်းရင်းမြစ်များ

परेरित 15:10

तहै खातिर बिस्‍बासीके कन्‍हामे यि जुवा राइखके कथिले परमेस्‍वरके परिक्‍छा करैचिही? यि जुवा नै त अपनासबके पिता-पुरखा नै त आपनेसब बोके सक्‍लियै।

परेरित 15:29

आब मुल बातसब एह्‍या चियै- मुरुतके चरहौवा खाइबला कोनो चिज नै खो, कुछोके लहु, कन्‍ठ किचके मारल पसुके मौस नै खो, बेबिचारसे अलग भ्‍याके रह, यि बातसबके पालन करबिही त तोरासबके लेल असल हेतौ। तोरासबके भलाइ हेबे। बिदा।

परेरित 21:25

गैर-यहुदीसब जे येसु खिरिस्‍टमे बिस्‍बास करने छै, उसब मुरतिके चरह्‍याल चिज, लहु, घेच दाइबके मारल पसुके मौस नै खाइले आ अनैतिक देहके समबन्‍धमे अलग रहैले परतै कैहके हमसब आपन निरनय लिखके पठादेने चियै।”

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

रोमी 12:16

एक-दोसरसङे मिल-जुइलके रह, घमन्‍डी नै हो, महज साधारन लोकसबसङे सङहत कर। अपनाके बुधिमान नै ठान।

रोमी 14:10

अनङ छै त तुसब कथिले आपन बिस्‍बासी भाइसबके दोस लगाइचिही? कथिले आपन बिस्‍बासी भाइसबके तुच्‍छ ठानैचिही? कथिलेत अपनासब सबकोइ परमेस्‍वरके नियाय करैबला ठामके अगा खरा हैले परतौ।

रोमी 14:14

परभु येसुमे बिस्‍बास कैरके हम यि बात पक्‍का जानैचियै कि, खाइबला कोनो चिज आपनेमे असुध नै रहैछै। महज जे लोक असुध माइनके खाइछै, उ ओकरलेल असुधे हैछै।

रोमी 14:19

तैल्‍याके अपनासब उ बातसबके अनुसरन कर जे बात सान्‍ती लाबैछै आ एक-दोसरके बिस्‍बासमे बलगर बनाइले मदत करैछै।

रोमी 14:22

यि बातसबमे भेल तोहर बिस्‍बास परमेस्‍वर आ आपने बिचमे राख। उ लोक धैनके चियै, जे अपनासे ठिक ठहर्‌याल चिजके कारन आपनेके दोसी नै ठहराइछै।

रोमी 14:3

जे लोक सब चिज खाइछै, उ सागपात खाइबलासबके घिरना नै करे। तहिनङे सागपात खाइबलासब नै खाइबलाके दोस नै लगाबे। कथिलेत परमेस्‍वर दुनुके सुइकार करने छै।

रोमी 15:14

हे हमर भाइ-भैयासब, हम जानैचियै कि तुसब असल चिही, सब परकारके ग्‍यानसे भरपुर आ एक-दोसरके सिक्‍छा दैले योग्‍यके चिही।

१ कोरन्‍थी 1:5

कथिलेत परमेस्‍वर खिरिस्‍टमे हरतरहसे तोरासबके बोलिबचन आ ग्‍यानमे धनिक बनाइनेछौ।

१ कोरन्‍थी 10:15

तुसब बुधियार लोक चिही कैहके हम यि बात कहैचियौ, तुसब आपनेसे हमर कहल बातसबके गौरसे बिचार कर।

१ कोरन्‍थी 10:28

महज कोनो लोक तोरा “यि त मुरतिके चरह्‍याल चिज चियौ” कहैछौ त, बताइबला लोकके खातिर आ बिबेकके लेल उ नै खो।

१ कोरन्‍थी 14:20

हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।

१ कोरन्‍थी 15:34

होसमे या आ आबसे पाप नै कर। कथिलेत तोरासबमेसे कतहेक गोरे परमेस्‍वरके नै चिनहने चिही। यि त तोरासबके लेल सरमके बात चियौ।

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

१ कोरन्‍थी 4:18

हमरा तोरासबलग फेनसे आबैले हिम्‍मत नै छै कैहके तोरासबमेसे कोइ-कोइ घमन्‍डी भेलचिही।

१ कोरन्‍थी 4:6

हे हमर भाइ-भैयासब, तोरासबके भलाइके लेल हम आपने आ अपोल्‍लोसके उदाहरन द्‍याके यि सब बातसब लिख्‍नेचियौ, ताकि तुसब पबितर धरमसास्‍तर अनुसार जियैले सिख आ तुसब एक गोरेके पक्‍छ ल्‍याके दोसरके बिरोध कैरके घमन्‍डी नै हो।

१ कोरन्‍थी 5:2

तैयो तुसब घमन्‍ड करैचिही! तोरासबके त बरु सोक करे परतियौ आ एहेन काम करैबलाके तोरासबके बिचसे निकालैले परतियौ।

१ कोरन्‍थी 5:6

तोरासबके करल घमन्‍ड ठिक नै छौ। कन्‍हिके खमिरसे सानल पुरे आँटाके खमिरा बनाइछै, कि से बात तोरासबके थाह नै छौ?

१ कोरन्‍थी 8:2

यदि कोनो लोक “हम जानैचियै” कहैछै त, बास्‍तममे उ जतेक जानैके चाही, उ जान्‍ने नै रहैछै।

१ कोरन्‍थी 8:4

तैखातिर मुरुतिके चरह्‍याल खाइले मिलैछै कि नै मिलैछै तैके बारेमे हमसब जानैचियै कि, सन्‍सारके मुरती किछो नै चियै आ एक मातरे परमेस्‍वर बाहेक औरो कोइ नै छै।

१ कोरन्‍थी 8:7

महज सब बिस्‍बासी लोकके यि ग्‍यान नै हैछै। ओकरासबके मुरतिपुजाके आदत भेलाके कारन अखुन्‍तो मुरुतिके चरह्‍याल चिज खाइछै त साँचोके मुरुतिके चरह्‍याल चिज खाइचियै कैहके ठानैछै। ओइसबके मनमे एहेन गलत बिचार भेलाके कारन उ खेलासे “हम असुध भेलियै” कैहके ठानैछै।

एफिसी 4:16

ओकरे अधिनमे देहके सब अङ ठिक-ठिक ठाममे जोरल गेल्‍छै आ सब अङसब आपन-आपन काम करतै त पुरे देह परेममे बरहैत बौकार हैतजेतौ।

कलस्‍सी 2:18

हमरासबके दरसन मिललछै कैहके झुठ नमरता देखाबैत, स्‍वरगदुतके पुजा करैबला आ आपनेके महान समझैबलासब छै। उसब एहेन छल-कपटमे फैसके तुसब पाबैबला इनाम नै गुमा। एहेन लोकसब बिना कारन देहके स्‍वभाबके ग्‍यानमे घमन्‍ड कैरके फुलल रहैछै।

परकास 2:14

महज तोरासबके बिरोधमे हमरसङे कुछ बातसब छै, कथिलेकी तोरासबमेसे कोइ कोइ एहेनछै, जे बालामके सिक्‍छा मानैछै। मुरुतिके चरहाल चिज आ बेबिचार कैरके इजराएली लोकसबके पापमे फसाइके लेल बालाम बालक रजाके सिखाइने छेलै।

परकास 2:20

महज तोहर बिरोधमे हमरा यि कहैकेछै कि, तु इजबेल कहाइबली जनीके सहन करैचिही। जे आपनेके अगमबादिनी कहैछै आ आपन सिक्‍छासे हमर सेबकके भरमाके बेबिचार करैले आ मुरतिपुजामे चरहाल चिज खाइले सिखाबैछै।