१ कोरन्‍थी 7:9 - मध्‍य पुरविया थारू

⁹ महज उसब आपन मनके बसमे राखैले नै सकैछै त उसब बियाह करे। कथिलेत मनके बसमे नै राखैले सक्‍लासे त बरु बियाह करनाइ असल चियै।

१ कोरन्‍थी 7:9 ပူးပေါင်းရင်းမြစ်များ

परेरित 19:36

तोरासबके थाहे छौ कि यि बात सत चियै, तैल्‍याके तुसब सान्‍त हो आ बेकारके कामसब नै कर।

१ कोरन्‍थी 7:2

बेबिचारमे फसैबला अबस्‍था अनेक भेलाके कारन सब पुरुख लोकके आपन-आपन घरबाली हेबे आ सब जनिके आपन-आपन घरबला हेबे।

१ कोरन्‍थी 7:28

यदि तु बियाह करबो करबिही त उ पाप नै चियै। तहिनङे यदि कुमाइर छौरी बियाह करतै त उ पाप नै करैछै। तैयो बियाह करैबलासबके अइ सन्‍सारमे झनझट हैछै आ हम तोरासबके अइसे बचाइले चाहैचियौ।

१ कोरन्‍थी 7:36

यदि कोनो लोकके मङनी भेल छौ आ उ लोक आपन मङनी भेल छौरीके निक बेबहार नै करल लागैछै आ उ छौरीके उमेर बितेलागलछै त उसब बियाह करे। अइमे कोनो पाप नै लागैछै।

१ कोरन्‍थी 7:39

जाबेतक घरबला जिबित रहैछै ताबेतक घरबाली आपन घरबलाके अधिनमे रहैछै। महज ओकर घरबलाके मिरतु भेलाके बाद उ स्‍वतन्‍तर हैछै आ उ जकरसे बियाह करैके मन लागैछै तकरसे बियाह करे सकैछै महज उ बिस्‍बासी हैकेचाही।

१ थेसलोनिकी 4:4

पबितर आ आदरसाथ आपन घरबालीसङे जिबन बिताबे परैछै कैहके सबलोकके जाने परतै।

१ तिमोथी 5:11

महज जबान उमरके मसोमातनीसबके नाम मसोमात सुचिमे नै लिख, कथिलेकी जब ओइसबके सारिरीक इक्‍छाके कारनसे खिरिस्‍टसे दुर ल्‍याजेतै, तै दुवारे उसब बियाह करैले ताक्‍तै।

१ तिमोथी 5:14

अहैलेल हम जबान मसोमातनीसबके फेनसे बियाह कैरके बेटा-बेटी जलमाबे आ घर गिरहस्‍ती चलाबे कैहके सल्‍लाह दैचियै। ओहेन करलासे डाह करैबलासबके निन्‍दा करैके मौका नै भेटतै।