१ कोरन्‍थी 7:31 - मध्‍य पुरविया थारू

³¹ जेसब सन्‍सारके चिज-बिज उपभोग करैछै उसब तैके कोनो वस्‍ते नै करल जखा करे, कथिलेत अइ सन्‍सारके चिजसब नास भ्‍यारहल छै।

१ कोरन्‍थी 7:31 ပူးပေါင်းရင်းမြစ်များ

लुका 21:34

“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्‍गीके बारेमे चिन्‍ता करैसे होसियार रह, नै त उ दिन नै सोचलहा बखतमे चैलएतौ।

१ कोरन्‍थी 7:29

हे हमर भाइ-भैयासब, हमर कहैके मतलब यि चियै कि, समय एकदम कम छै। आबसे घरबाली हैबलासब घरबाली नै भेलसब जखा रहे।

१ कोरन्‍थी 7:30

जेसब सोक करैछै उसब सोक नै करल जखा रहे आ खुसी हैबलासब खुसी नै भेल जखा हेबे। बेच-बिखन करैबलासब आपनसङे किछो नै भेल जखा रहे।

१ कोरन्‍थी 9:18

आब हमर इनाम कि चियै त? हक अनुसार पाबैबला कोनो पैसा नै ल्‍याके फोकटमे सुसमाचार परचार कैरके पाबैबला आनन्‍दे हमर इनाम चियै।

हिबरु 12:27

“औरो एकबेर” कहल बात यि देखाबैछै कि हिलाबैले सकैबला अरथात सिरिस्‍टी करल चिजसब हटाइतै, महज हिलाबैले नै सकैबला चिजसब अस्‍थिर रहतै।

याकुब 4:14

बिहानके कथी हेतै, तुसब किछो नै जानैचिही। तोहर जिन्‍गी कथी चियौ? तोरासबके जिन्‍गी त कुछ समय देखा परैबला आ बिल्‍या जाइबला बाँफ जखा त चियौ।

१ पतरुस 1:24

कथिलेत पबितर धरमसास्‍तरमे लिखल छै, “सब मानब जाती घास जखाछै आ ओकर सुन्‍दरता घासेके फुल जखा हैछै। घास सुइख जाइछै आ फुल झैर जाइछै,

१ पतरुस 4:7

सब चिजके अन्‍त हैके समय चैल एलछै। ओहैसे तुसब आपन मनके सुध आ आपनेके बसमे राख ताकी तुसब असलसे परथना करे सक।

१ युहन्‍ना 2:17

सन्‍सार आ सन्‍सारके कुइक्‍छासब ओर्‌या जाइछै, महज परमेस्‍वरके इक्‍छामे चलैबला लोक सबदिन जिबित रहतै।