१ कोरन्‍थी 7:22 - मध्‍य पुरविया थारू

²² कथिलेत परभु बोलाबैसे पहिने जे दास छेलै, आब उ परभुमे स्‍वतन्‍तर लोक भेलछै। तहिनङे परभु बोलाइसे पहिने जे स्‍वतन्‍तर छेलै, उ खिरिस्‍टके दास भेलछै।

१ कोरन्‍थी 7:22 ပူးပေါင်းရင်းမြစ်များ

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

१ कोरन्‍थी 7:21

परमेस्‍वर तोरा बोलाइ बखत कि तु ककरो दास छेल्‍ही? यदि छेल्‍ही त तकर चिन्‍ता नै कर, महज स्‍वतन्‍तर हैले मौका भेटैछौ त, स्‍वतन्‍तर भ्‍याजो।

१ कोरन्‍थी 9:19

हम लोकसबसे स्‍वतन्‍तर चियै तैयो बहुतो गोरेके खिरिस्‍टमे आनैले सकी कैहके सबके लेल हम आपनेके दास बनेलियै।

१ कोरन्‍थी 9:21

जब हम बेबस्‍था नै भेलसबके बिचमे छेलियै, खिरिस्‍टमे उसब बिस्‍बास करे कैहके हम बेबस्‍था नै भेलसब जखा भेलियै। अकर मतलब हम मोसाके देल बेबस्‍था नै मानैचियै कैहके नै कहैचियौ। हम त झन खिरिस्‍टके बेबस्‍थाके मानैचियै।

गलाती 1:10

कि हम लोकसबके खुसी करैले चाहैचियै या परमेस्‍वरके? कि हम लोकसबके खुसी करैले चाहैचियै? यदि हम लोकसबके खुसी करने रहतियै त हम खिरिस्‍टके सेबक नै हेतियै।

गलाती 5:1

खिरिस्‍ट अपनासबके स्‍वतन्‍तर करने छै। तहैलेल बौकार भ्‍याके खरा हो आ फेनसे बेबस्‍थाके दास हैले नै परे।

गलाती 5:13

भाइ-भैयासब, तुसब स्‍वतन्‍तर हैले बोल्‍याल गेलचिही। यि स्‍वतन्‍तरताके आपन पाप स्‍वभाबके इक्‍छा पुरा करैले परयोग नै कर। बरु परेमसे एक दोसरके भलाइ कर।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

फिलेमोन 1:16

आबसे उ दास जखा नै महज दाससे बैढके एकटा पिरिय बिस्‍बासी भाइ चियौ। हम ओकरा बहौत परेम करैचियै महज आब तु ओकरा एकटा लोकके रुपमे आ एकटा पिरिय बिस्‍बासी भाइके रुपमे औरो बेसिसे परेम कर।

१ पतरुस 2:16

तुसब स्‍वतन्‍तर लोक जखा जिबन बिता। आपन स्‍वतन्‍तरताके खराब काम करैके लेल बहना नै बना, महज परमेस्‍वरके दास भ्‍याके असल काम कर।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

यहुदा 1:1

हम यहुदा, येसु खिरिस्‍टके सेबक आ याकुबके भाइ, परमेस्‍वर पितासे बोल्‍याल आ येसु खिरिस्‍टसे रक्‍छा पाबलहासबके यि चिठी लिखैचियै।