१ कोरन्‍थी 7:21 - मध्‍य पुरविया थारू

²¹ परमेस्‍वर तोरा बोलाइ बखत कि तु ककरो दास छेल्‍ही? यदि छेल्‍ही त तकर चिन्‍ता नै कर, महज स्‍वतन्‍तर हैले मौका भेटैछौ त, स्‍वतन्‍तर भ्‍याजो।

१ कोरन्‍थी 7:21 ပူးပေါင်းရင်းမြစ်များ

लुका 12:29

कथी खेबै, कथी पिबै तकर लेल तुसब खोजि आ चिन्‍ता नै कर।

लुका 21:34

“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्‍गीके बारेमे चिन्‍ता करैसे होसियार रह, नै त उ दिन नै सोचलहा बखतमे चैलएतौ।

१ कोरन्‍थी 12:13

हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।

१ कोरन्‍थी 7:20

परमेस्‍वर तोरासबके बोलाबै बखत जे जनङ छेल्‍ही, उ ओह्‍या अबस्‍थामे रहे।

१ कोरन्‍थी 7:22

कथिलेत परभु बोलाबैसे पहिने जे दास छेलै, आब उ परभुमे स्‍वतन्‍तर लोक भेलछै। तहिनङे परभु बोलाइसे पहिने जे स्‍वतन्‍तर छेलै, उ खिरिस्‍टके दास भेलछै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

फिलिप्‍पी 4:11

हमरा खाचो परलै कैहके नै कहैचियौ, कथिलेकी चाहे कोनोभी परिस्‍थितीमे हेबे हम सन्‍तुस्‍ट रहैले सिखने चियै।

फिलिप्‍पी 4:6

कोनो बातके चिन्‍ता नै कर, महज खाचो परल चिजके लेल परमेस्‍वरमे परथना कर आ ओकर करल सब असल चिजके लेल धन्‍यबाद दहै।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

हिबरु 13:5

तुसब आपन जिबनके रुपैया पैसाके मोहसे दुर राख। तोरासबसङे जे छौ ओहैमे सन्‍तोख कर, कथिलेकी परमेस्‍वर कहनेछै, “हम तोरा कोनो हालतमे नै छोरबौ, हम तोरा कोनो हालतमे नै त्‍यागबौ।”

१ पतरुस 5:7

तोरासबके सब चिन्‍ता-फिकिर ओकरमे राइख दहै कथिलेत उ तोरासबके देखभाल करैछौ।