१ कोरन्‍थी 6:20 - मध्‍य पुरविया थारू

²⁰ कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

१ कोरन्‍थी 6:20 ပူးပေါင်းရင်းမြစ်များ

मतीके लिखल सुसमाचार 5:16

अहिनङ तोरोसबके इजोत लोकसबके बिचमे चम्‍के, जहिनङ लोकसब तोरासबके असल काम देखके, स्‍वरगमे रहैबला पिताके परसन्‍सा करे।”

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

रोमी 6:19

तोरासबके मानबिय स्‍वभाबके कमजोरीके कारनसे हम तोरासबके बुझैबला हिसाबसे मालिक आ दासके उदाहरन देके कहैचियौ। एक समयमे खराब इक्‍छासे बहुत घिनलागैबला पाप आ दुस्‍ट काम करैले तुसब आपन जिबनके दास जखा सोपने छेल्‍ही। आब पबितर हैले तोरासबके जिबन परमेस्‍वरके लेल असल काम करैबला दास जखा सोप।

१ कोरन्‍थी 10:31

तैखातिर तुसब खो, पि या जेकुछ कर, सबकुछ परमेस्‍वरके महिमाके लेल कर।

१ कोरन्‍थी 7:23

परमेस्‍वर तोरासबके मोल तिरके किन्‍नेछौ, तैखातिर लोकसबके दास नै बन।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

हिबरु 9:12

खिरिस्‍ट सिधा महापबितर ठाममे सबदिनके लेल एकेबेर ढुकलै। उ छागर आ बछासबके चरहाल बलीके लहु ल्‍याके नै ढुकलै, महज आपने लहु ल्‍याके ढुकलै आ अपनासबके सबदिन रहैबला मुक्‍ती देल्‍कै।

१ पतरुस 1:18

तुसब जानैचिही कि परमेस्‍वर तोरासबके पिता-पुरखासे चलैत एल बेरथके चालचलनसे दाम तिरके तोरासबके छुटकरा देल्‍कौ। उ दाम सोना या चानी जखा नास हैबला चिज नै चियै।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

२ पतरुस 2:1

जहिनङे इजराएलीसबके बिचमे झुठा अगमबक्‍तासब छेलै, तहिनङे तोरोसबके बिचमे झुठा गुरुसब देखा परतौ। उसब गुपचुपेमे नास हैबला झुठा बातसब सिखाइतौ आ मुक्‍ती दैबला परभुके सेहो उसब इन्‍कार कैरके आपन उपर जल्‍दिए नास लाबतै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।