१ कोरन्‍थी 5:3 - मध्‍य पुरविया थारू

³ हम तोरासबके बिचमे नै चियौ, तैयो आत्‍मामे हम तोरेसबसङे चियौ। हम तोरासबसङे भेल जखा एहेन काम करैबलाके नियाइ कैरसक्‍ने चियै।

१ कोरन्‍थी 5:3 ပူးပေါင်းရင်းမြစ်များ

१ कोरन्‍थी 5:12

कथिलेत मन्‍डली बाहरके लोकसबके नियाइ करनाइ हमर काम नै चियै। महज मन्‍डली भितरके लोकसबके नियाइ करैबला काम तोरासबके करैले नै परतौ से?

२ कोरन्‍थी 10:1

हम पावल, तोरासबके सामने डरपोक चियै, महज दुर रहैबेर हम तोरासब परती साहसी हैचियै कैहके तोरासबके बिचमे हल्‍ला चललछै कहाने। खिरिस्‍टके नम्‌रता आ दयासे हम तोरासबके बिन्‍ती करैचियौ कि,

२ कोरन्‍थी 10:11

ओहेन लोकसब यि बात बुझे कि, हमसब दुर रैहके चिठीमे जे लिखके पठाबैचियै, तोरासबके बिचमे हैतकाल ओह्‍या काम करैचियै।

२ कोरन्‍थी 13:2

दोसर बेर तोरासबके बिचमे हैतकाल हम तोरासबके चेताबनी देल जखा आब तोरासबके बिचमे नहियो चियै तैयो चेताबनी दैचियौ। हम फेर एबौ त पहिने पाप करलाहासबके आ औरो ककरो नै छोरबौ।

कलस्‍सी 2:5

कथिलेत हम देहमे तोरासबसे दुर चियौ तैयो आत्‍मामे त तोरेसबसङे चियौ। खिरिस्‍टमे तोरासबके बिस्‍बास एकदम अस्‍थिर भेल देखके हम बहुत खुसी भेलचियौ।

१ थेसलोनिकी 2:17

देख भाइसब, हमसब कुछ समयके लेल तोरासबसे जरुर दुर हैले परलै, महज हमरासबके मन त तोरासबसङे रहौ। तोरासबके सामनेसे देखेके बहौत इक्‍छा भेलाके कारन तोरासबलग जाइले बहौत कोसिस करलियौ।