१ कोरन्‍थी 4:9 - मध्‍य पुरविया थारू

⁹ कथिलेत हमरा एहेन लागैए कि परमेस्‍वर हम परेरितसबके मिरतुदन्‍ड पाबैबला कैदीसब जखा बिजय जुलुसके सबसे पछा राखनेछै। हमसब सन्‍सार, स्‍वरगदुतसब आ लोकसबके अगा तमसा बैनगेल चियै।

१ कोरन्‍थी 4:9 ပူးပေါင်းရင်းမြစ်များ

परेरित 19:29

तब पुरे सहरमे हुलदङा मच्‍लै आ उसब एकमत भ्‍याके पावलके सहकरमी माकेडोनिया बासि गायस आ अरिस्‍तारखसके पकैरके रङसालामे घिस्‍याइते ल्‍यागेलै।

परेरित 19:31

एसियाके कतहेक अधिकारीसब पावलके सङी छेलै। उसब पावलके रंगसला भितर नै जाउ कैहके समाध पठेल्‍कै।

रोमी 8:36

पबितर धरमसास्‍तरमे एहेन लिखलछै, “अहाँके लेल त हमसब हरेक दिन मरैचियै। हमसब काटैके लेल तयार करल भेंरासब जखा चियै।”

१ कोरन्‍थी 15:19

यदि खिरिस्‍टमे अपनासबके आसा अइ जिन्‍गीके लेल मातरे राखने चियै त, अपनासबके सबलोकसे बेसि दयाके खाँचो परैछै।

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

२ कोरन्‍थी 6:9

हमरासबके निकसे चिन्‍हीयोके अनचिन्‍हार जखा करैछै। मरे लागल चियै तैयो जियल चियै। सजाय पाबनेचियै तैयो मारलगेल नै चियै।

१ थेसलोनिकी 3:3

ताकि कोइ दुख भेल बखतमे कोइ हतास नै हो कैहके हमरासबके इक्‍छाछै। सताबट त अपना बिस्‍बासीसबके जिबनमे अबस्‍य आबैछै से बात तोरासबके थाहे छौ।

हिबरु 1:14

स्‍वरगदुतसब त परमेस्‍वरके सेबा करैबला आत्‍मासब चियै। परमेस्‍वर ओकरासबके मुक्‍ती पाबैबला लोकसबके सहायता करैके लेल पठाइनेछै।

हिबरु 10:33

कतहेक बेर तोरेसबके लोकके अगा बेजत आ अतियाचारके तमासामे परलिही त कहियो ओहिनङे अबस्‍थामे परलसबके मदत करलिही।

हिबरु 11:36

कतहेकके गिल्‍ला सहैले परलै, कोरा खाइले परलै, झिझिरसे बन्‍हाके जहलमे परलै।