१ कोरन्‍थी 4:7 - मध्‍य पुरविया थारू

⁷ के तोरासबके औरोसे बरका बनेल्‍कौ? कि तोरासबसङे जे छौ, उ परमेस्‍वर नै देल्‍कौ? यदि तुसब उ पाबनेचिही त, कथिले घमन्‍ड करैचिही?

१ कोरन्‍थी 4:7 ပူးပေါင်းရင်းမြစ်များ

लुका 19:13

तब उ जाइसे पहिने दसोटा नोकरसबके बोल्‍याके एक एक टका सबके देल्‍कै आ कहल्‍कै, ‘जाबेतक हम घुइमके नै एबौ ताबे तक अहै टकासे बेपार करिहे।’

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

युहन्‍ना 3:27

युहन्‍ना जबाफ देल्‍कै, “जाबेतक परमेस्‍वरसे नै देतै ताबे तक लोकके कुछो नै मिल्‍तै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 12:3

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

रोमी 12:6

परमेस्‍वरके अनुगरहसे अपनासबके फरक-फरक किसिमके बरदानसब देनेछै ओहै अनुसार काम करे। यदि जकरसङे अगमबानी बोलैबला बरदान छै त उ आपन बिस्‍बास अनुसार ओकर तरफसे अगमबानी बोले।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

१ कोरन्‍थी 3:5

अपोल्‍लोस के चियै? आ पावल के चियै? हमसब त परमेस्‍वरके खट्‍याल सेबकसब मातरे चियै, जकरसे तुसब बिस्‍बास करलिही। हमसब त परभुके खट्‍याल काम मातरे करैचियै।

१ कोरन्‍थी 5:6

तोरासबके करल घमन्‍ड ठिक नै छौ। कन्‍हिके खमिरसे सानल पुरे आँटाके खमिरा बनाइछै, कि से बात तोरासबके थाह नै छौ?

१ कोरन्‍थी 7:7

सबलोक हमरे जखा बियाह नै कैरके रहे से हमर इक्‍छाछै। महज कोनो लोक परमेस्‍वरसे बियाह करैबला बरदान पाबने छै त कोनो लोक नै करैबला।

याकुब 1:17

सब असल आ सब सिध दान स्‍वरगसे आबैछै। यि बरदान इजोतके पितासे आबैछै। उ छाह जखा कहियो नै बदलैछै।

१ पतरुस 4:10

परमेस्‍वर तोरासबके किसिम-किसिमके बरदान देनेछौ। एक दोसरके सेबा करैके लेल देल यि बरदानके पुरा सदउपयोग कर।