१ कोरन्‍थी 4:12 - मध्‍य पुरविया थारू

¹² हमसब आपन हाथसे काम कैरके मेहनत करैचियै। जे हमरासबके सराप दैछै ओकरासबके हमसब आसिरबाद दैचियै आ सताबट आबैछै त हमसब सहैचियै।

१ कोरन्‍थी 4:12 ပူးပေါင်းရင်းမြစ်များ

मतीके लिखल सुसमाचार 5:11

“धैनके चिही तुसब, जब लोकसब हमर खातिर तोरासबके अपमान करतौ, सताइतौ आ झुठ बाइज-बाइजके तोरासबके बिरोधमे सब तरहके अधलाह बात कहतौ।

मतीके लिखल सुसमाचार 5:44

महज हम तोरासबके कहैचियौ, आपन दुस्‍मनोसबसे परेम कर आ तोरासबके सताबैबलासबके खातिर परथना कर,

लुका 23:34

तब येसु कहल्‍कै, “हे पिता, अकरासबके छमा कैरदियौ, कथिलेत यीसब कथी करैछै से नै जानैछै।” तब उसब येसुके बस्‍तर लैले चिठा लग्‍याके भाग लगाइल्‍कै।

लुका 6:28

सरापैबलाके आसिरबाद दहै। तोरा अधलाह करैबलाके लेल परथना कर।

युहन्‍ना 15:20

हम जे बातसब कहलियौ तै बातसबमे गौरसे बिचार कर कि ‘नोकर आपन मालिकसे बरका नै हैछै।’ सन्‍सारके लोकसब हमरा त सतेल्‍कै उसब तोरोसबके सताइतौ। यदी सन्‍सारके लोकसब हमर बात मान्‍तै त, तोरोसबके बात सेहो मान्‍तौ।

परेरित 18:3

उसब पाल बनाइबला काम कैरके जिबीका चलाबैतरहै। पावल ओकरेसबकेसङे रहलै कथिलेत ओहो ओहैसब जखा पाल बनाइनला काम कैरके जिबीका चलाबैतरहै।

परेरित 20:34

तोरासबके थाहे छौ कि, हम आपन हाथके मेहनतसे आपन आ सङे रहैबला सङिसबके जरुरत पुरा करलियै।

परेरित 7:60

उ ठेङहुनिया द्‍याके जोरसे कहल्‍कै, “हे परभु, यि पापके दोस अकरौरके नै लागे।” अतहेक कहलाके बाद ओकर परान छुइटगेलै।

रोमी 12:14

तोरासबके सताबैबलासबके सराप नै महज आसिरबाद दहै।

रोमी 12:20

फेनसे दोसर ठाममे एहेन लिखल छै, “तोहर दुस्‍मन भुख्‍याल छौ त ओकरा खाइले दहै, उ पियासल छौ त तकरा पानी पियैले दहै। एहेन करलासे तोहर दुस्‍मन लाजसे ओकर मुह अन्‍हार हेतै।”

रोमी 8:35

कोन बातसे अपनासबके खिरिस्‍टके परेमसे अलग करैले सक्‍तै? अपनासबके दुख, कठिनाइ, सताबट, नाङट आ भुखल रहैबला अबस्‍था आबैले सक्‍तै। अपनासब कोनो भारी बिपतमे या मरैयोले सक्‍बै महज यि कोनो चिजसे अपनासबके खिरिस्‍टके परेमसे अलग करैले नै सक्‍तै।

१ कोरन्‍थी 9:6

कि हमरा आ बरनाबासके मातरे पेट पालैके लेल काम करैले परतै?

२ कोरन्‍थी 11:8

हम तोरासबके सेबा करैबेर औरो मन्‍डलीसे मदत पाबलियै। एहेन मदत लेलियै त उ मन्‍डलीसबके लुटल जखा भेलै।

एफिसी 4:28

जे चोराबैछै आबसे उ चोरी नै करे। बरु मेहनत कैरके आपने हाथसे कमाबे आ अभाबमे परलहासबके मदत करैले सके।

१ थेसलोनिकी 2:9

भाइसब, हमरासबके कस्‍ट आ मेहनत तोरासबके थाहे छौ। तुसब परमेस्‍वरके सुसमाचार सुनाइबखत ककरो उपर भार नै परौक कैहके हमसब आपन खर्‌च-बर्‌च करैले दिन-रात खैटके काम करलियै।

२ थेसलोनिकी 3:8

हमसब बिना टकाके ककरो खाइबला चिज नै खेलियै। बल्‍की दिन-रात दुख सहैत आ पसेना चुबाइत मेहनत करलियै ताकि तोरासबमेसे ककरो उपर भार नै परे।

१ तिमोथी 4:10

ओहै कारनसे हमसब एकदम मेहनत करैचियै आ हरदम सङघरसमे लागल रहैचियै। कथिलेकी अपनासबके आसा जिबित परमेस्‍वरमे छै। परमेस्‍वर सब मानब जातीके आ खास कैरके बिस्‍बासीके मुक्‍तीदाता चियै।

१ पतरुस 2:23

जब लोकसब ओकरा अपमान करल्‍कै, तब उ कोनो जबाफ नै उल्‍टाइल्‍कै। दुख भोगैबखत ककरो धम्‍की नै देल्‍कै, महज ठिकसङे नियाय करैबला परमेस्‍वरमे भरोसा करल्‍कै।

१ पतरुस 3:14

यदि असल काम कैरतोपरभी दुख भोगैले परतौ त, तुसब आसिस पाबबिही। तहैलेल लोकके धम्‍कीसे नै डरा, नै त चिन्‍ता कर।

१ पतरुस 3:9

खराबीके बदला खराबी या अपमानके बदला अपमान नै कर। बरु खराबीके बदला आसिस दहै, कथिलेकी यह्‍या करैके लेल परमेस्‍वर तोरासबके बोलाइनेछौ आ तुहुसब आसिस पाबबिही।

१ पतरुस 4:19

ओहैसे तुसब परमेस्‍वरके इक्‍छा अनुसार दुख-कस्‍ट भोगैबलासब भलाइके काम कैरते रह आ आपन जिबन बिस्‍बासयोग्‍य सिरिस्‍टीकरताके सोइप दहै।

यहुदा 1:9

महज परधान स्‍वरगदुत मिखाएल सेहो मोसाके लहासके बारेमे सैतानसे तरक बितरक करैतखिना ओकरा अपमान कैरके दोख नै लगाइल्‍कै। खाली, “परभु तोरा फटकारतौ” कहल्‍कै।