१ कोरन्‍थी 4:10 - मध्‍य पुरविया थारू

¹⁰ हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

१ कोरन्‍थी 4:10 ပူးပေါင်းရင်းမြစ်များ

मतीके लिखल सुसमाचार 24:9

“तब लोकसब तोरासबके पकैरके दुख दैकेलेल लजेतौ, तोरासबके मारतौ। तुसब हमरा बिस्‍बास करैके कारन सब जातीसब तोरासबके दुस्‍तौ।

मतीके लिखल सुसमाचार 5:11

“धैनके चिही तुसब, जब लोकसब हमर खातिर तोरासबके अपमान करतौ, सताइतौ आ झुठ बाइज-बाइजके तोरासबके बिरोधमे सब तरहके अधलाह बात कहतौ।

लुका 10:16

“जे तोरासबके बातसब मान्‍तौ, उ हमरो बातसब मान्‍तै आ जे तोरासबके इन्‍कार करतौ, उ हमरो इन्‍कार करतै आ जे हमरा इन्‍कार करतै, उ हमरा पठाइबलाके इन्‍कार करतै।”

लुका 18:9

तब आपनेमे भरोसा करैबला आ दोसरके निच सम्‍झैबला लोकसबके येसु यि खिसा सुनाइल्‍कै,

लुका 6:22

“धैन तुसब, मानबके बेटाके खातिर तोरासबके घिरना करतौ, समाजसे बहिस्‍कार करतौ, निन्‍दा करतौ आ बदनाम करतौ त तुसब धैनके हेब्‍ही।

परेरित 17:18

ओते इपिक्‍युरी आ स्‍तोइकी दारसनिकमेसे कुछ पावल सङे बाद-बिबाद करै। उसब कतहेक गोरा कहल्‍कै, “यि बर-बरहा कथी कहैछै?” औरोकोइ कहल्‍कै, “भैरसक यि कोनो लबका देबि-देउताके परचार करैछै!” कथिलेत पावल येसुके बारेमे आ उ मरके जि उठल छै तै बातके परचार करैछेलै।

परेरित 17:32

लोकसब मैरके जि उठैछै से बात सुइनके ओतेका कतहेक लोक पावलके मजाक उराइल्‍कै। महज कोइ-कोइ कहल्‍कै, “यि बात फेनो हमसब सुनैले चाहैचियै।”

परेरित 26:24

पावल यि बातसब आपन बचाउके लेल कहैत खिना फेस्‍तस जोरसे कहल्‍कै, “ऐ, पावल तुहे पागल भ्‍यागेल चिही! तोहर बहुत ग्‍यान तोरा पागल बन्‍यादेनेछौ।”

परेरित 9:16

कथिलेकी हमर नामके खातिर ओकरा कतहेक दुख भोगे परतै, आब हम ओकरा देखाइबै।”

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

१ कोरन्‍थी 1:25

कथिलेकी लोकसबके बुधिमानी योजनासे त बरु परमेस्‍वरके मुरुख योजना बेसी महान छै आ परमेस्‍वरके दुरबलता लोकसबके बलसे सक्‍तिसाली छै।

१ कोरन्‍थी 10:12

तैखातिर जे अपनाके ठार भेलचियै कहैछै, उ होसियार रहे, नै त उ खैसपरतै।

१ कोरन्‍थी 2:14

जै लोकमे परमेस्‍वरके आत्‍मा नै छै, उ लोक परमेस्‍वरके आत्‍माके बातसबके गरहन नै करैछै। कथिलेत एहैन बातसब ओकरलेल मुरुख बात हैछै। एहैन बात त परमेस्‍वरके आत्‍मासे मातरे बुझैले सकैछै।

१ कोरन्‍थी 2:3

हम तोरासबके लग जखुन एलियौ तखुन कमजोर भ्‍याके, एकदम डर्‌याल आ थरथर कापैत एल छेलियौ।

१ कोरन्‍थी 3:18

कोइ आपनेके धोखा नै देबे। यदि कोइ अइ सन्‍सारके हिसाबसे आपनेके बुधिमान ठानैछै त, उ साँचेके बुधिमान हैले आपनेके मुरुख बनाबे।

१ कोरन्‍थी 3:2

हम तोरासबके दुध पिएलियौ महज अन नै खिएलियौ, कथिलेत तुसब पचाबैले नै सकतिही। अखुन्‍तो तोरासबके दुधे पियाबे परतौ।

१ कोरन्‍थी 4:8

तुसब सोचैचिही कि पहिने सबकुछ पाइबलेने चियै, पहिने धनिक भेलचियै। बिना हमरासबसे तुसब रजा बइनगेल चिही। साँचोके तुसब राज करतिही त, हम्‍हुसब तोरासबसङे राज करतियौ!

२ कोरन्‍थी 10:10

कतहेक लोक कहैछै, “पावलके चिठीसब गम्‍भीर आ करा हैछै, महज उ आपने हैतकाल कमजोर हैछै आ ओकर बोली कोनो महत्‍वके नै हैछै।”

२ कोरन्‍थी 11:19

तुसब आपनके अतहेक बुधिमान ठानैचिही कि खुसिसे मुरखसबके बेबहारके सहैचिही।

२ कोरन्‍थी 11:29

कोइ कमजोर छै त हम्‍हु कमजोर भेल महसुस करैचियै। जब कोइ पापमे फस्‍याल जाइछै त हमरा एकदमसे रिस उठैछै।

२ कोरन्‍थी 13:9

हमसब कमजोर भेलियै तैयो तुसब बौकार चिही तहैमे हमसब खुस चियै आ तुसब परिपक हैले सक कैहके परथना करैचियौ।

२ कोरन्‍थी 4:12

अहिनङ हमसब मिरतुके मुहमे जियैचियै, जकर कारनसे तुसब अनन्‍त जिबन पाबनेचिही।

२ कोरन्‍थी 6:8

लोकसब हमरासबके आदर करतै तैयो अनादर करतै तैयो, जस करतै तैयो अबजस करतै तैयो हमसब परमेस्‍वरके सेबा करैचियै। हमसब इमानदार चियै महज लोकसब ठगहा कहैछै।

१ थेसलोनिकी 4:8

अहैलेल यि सिक्‍छाके इन्‍कार करैबला लोकके नै, महज परमेस्‍वरके इन्‍कार करैछै, जे परमेस्‍वर आपन पबितर आत्‍मा तोरासबके देने छौ।

१ पतरुस 4:14

खिरिस्‍टके पछा चलैके कारन तोरासबके अपमान करैछौ त, तुसब धन्‍यके चिही, कथिलेकी परमेस्‍वरके महिमीत आत्‍मा तोरासबमे रहैछौ।