१ कोरन्‍थी 3:8 - मध्‍य पुरविया थारू

⁸ बिया छिटैबला आ पानी पटाबैबला बराबर चियै आ परमेस्‍वर सबकोइके आपन-आपन मेहनत अनुसारके इनाम देतै।

१ कोरन्‍थी 3:8 ပူးပေါင်းရင်းမြစ်များ

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

लुका 19:19

तब ओकरो कहल्‍कै, ‘तोरो पाँच सहरसबमे अधिकार देबौ।’

रोमी 2:6

परमेस्‍वर हरेक लोकके ओकर करल करम अनुसारके फल देतै।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

१ कोरन्‍थी 3:14

यदि जे लोकके काम आइगसे नास नै हेतै त, उ लोक इनाम पाबतै।

१ कोरन्‍थी 3:7

तैखातिर बिया छिटैबला आ पानी पटाबैबला बरका नै चियै, महज बरहाबैबला परमेस्‍वरे सबसे बरका चियै।

१ कोरन्‍थी 3:9

कथिलेत सङे-सङे हमसब परमेस्‍वरके काम करैबला चियै आ तुसब परमेस्‍वरके खेत आ घर चिही।

१ कोरन्‍थी 4:15

तोरासबके खिरिस्‍ट येसुके बारेमे सिखाइबला दसो हजार गुरुसब भेलोपर पिता त बहुत नै छौ। महज सुसमाचार परचार कैरके खिरिस्‍ट येसुमे हम तोरासबके पिता भेलचियौ।

१ कोरन्‍थी 9:7

आपने खचरमे के सिपाहीके काम करैछै? के अङगुर खेती लग्‍याके ओकर फल खाइले नै पाबैछै? के गाइ-माल पाइलके ओकर दुध पियैले नै पाबैछै?

गलाती 6:4

सबकोइ आपन-आपन कामके जाँच आपनेसे करे। तब आपन करल काम असल हेतै त, उ आपन करल काममे खुसी हैले सक्‍तै आ दोसरसङे तुलना करैले नै परतै।

गलाती 6:5

कथिलेत सबकोइ आपन कामके बोझ आपने उठाबैले परतौ।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

१ पतरुस 5:4

जब परधान चरबाहा परगट हेतै, तब तुसब सबदिन चम्‍कैबला मुकुट पाबबिही जकर सोभा कहियो नै घटतौ।

२ युहन्‍ना 1:8

तहै खातिर तुसब होसियार रह, जै बातके लेल तुसब मेहनत कैररहल चिही, तैके नै हरा बल्‍की तुसब पुरा इनाम पाबैबला भ्‍याजो।

परकास 2:23

ओकर पछा लागैबला बेटा-बेटीसबके हम खतम करबै। तब सब मन्‍डलीसब थाह पाबतै कि हम वहे चियै जे सबके मन आ हिरदयके जाँच करैचियै। हम तोरासबके काम अनुसारके इनाम देबौ।

परकास 22:12

“देख, हम जल्‍दिए आइबरहल चियौ। हरेक लोकके ओकरासबके करल आपन-आपन काम अनुसारके दैबला इनाम हमरसङे छै।