१ कोरन्‍थी 3:5 - मध्‍य पुरविया थारू

⁵ अपोल्‍लोस के चियै? आ पावल के चियै? हमसब त परमेस्‍वरके खट्‍याल सेबकसब मातरे चियै, जकरसे तुसब बिस्‍बास करलिही। हमसब त परभुके खट्‍याल काम मातरे करैचियै।

१ कोरन्‍थी 3:5 ပူးပေါင်းရင်းမြစ်များ

मतीके लिखल सुसमाचार 25:15

धनिक लोक ओइसबको खुबि अनुसार एकटा नोकरके पाँचटा, दोसरके दुइटा आ तेसरके एकटा सोनाके डलर जिमा द्‍याके उ परदेस चैलगेलै।

लुका 1:2

उसब जे सुरुवेसे बचनके साकछात साक्‍छी आ सेबकसब छेलै, यि बात उसब हमरासबके कहल्‍कै।

युहन्‍ना 3:27

युहन्‍ना जबाफ देल्‍कै, “जाबेतक परमेस्‍वरसे नै देतै ताबे तक लोकके कुछो नै मिल्‍तै।

परेरित 18:24

तकरबाद अपोल्‍लोस नामके एकटा यहुदी लोक एफिसस सहरमे एलै जे अलेकजेन्‍डरिया सहरमे जलमल रहै। उ बाजैले सकैबला आ धरमसास्‍तरके ग्‍याता छेलै।

परेरित 19:1

जखुन अपोल्‍लोस कोरिन्‍थ सहरमे छेलै तखुन पावल एसिया इलाकाके बिच रस्‍ता हैत एफिसस सहरमे पुग्‍लै। ओते उ बिस्‍बासीके भेटलै।

रोमी 15:16

आ हमरा गैर-यहुदीसबके सुसमाचार सुनाइले खिरिस्‍टके सेबक बनाइनेछै। जनङ पुजारी परमेस्‍वरके अगा मनपरैबला भेटी चरहाबैछै तहिनङे हम्‍हु पुजारीके सेबा पुरा करैचियै। गैर-यहुदीसबके परमेस्‍वर लग लाबैले आ उसब पबितर आत्‍मासे सुध भ्‍याके परमेस्‍वरके मनपरैबला भेटी हेबे कैहके हम परमेस्‍वरके सुसमाचार सुनाबैचियै।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 16:12

आब भाइ अपोल्‍लोसके बिसयमे हमरा कुछ कहैके छै, कि हम ओकरा औरो भाइसबसङे मिलके तोरासबसङे भेटघाट करैके बहुतो आगरह करनेछेलियै, महज अखैन ओकरा आबैके एकोरती इक्‍छा नै छै। महज मौका पाबते मातर उ एतै।

१ कोरन्‍थी 3:10

परमेस्‍वरके देल अनुगरहसे हम एकटा घर बनाइबला सिपालु मिसतिरी जखा जग खरा करलियै आ दोसर कोइ तैमे घर बनाबैछै। तैमे घर बनाइबला हरेक लोक कनङके बनाबैछै से निकसे धियान देबे।

१ कोरन्‍थी 3:22

चाहे पावल, कि अपोल्‍लोस, कि पतरुस, या सन्‍सार या जिबन या मिरतु या अखुन्‍का समय या पछिल्‍का समय, सब तोरेसबके चियौ।

१ कोरन्‍थी 3:7

तैखातिर बिया छिटैबला आ पानी पटाबैबला बरका नै चियै, महज बरहाबैबला परमेस्‍वरे सबसे बरका चियै।

१ कोरन्‍थी 9:17

यदि यि काम हम आपन इक्‍छासे करैचियै त, हम आपन इनाम पाबतियै। महज परमेस्‍वर हमरा यि कामके जिम्‍मेबारी देलाके कारनसे हम आपन करतब समैझके यि काम पुरा करैचियै।

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

२ कोरन्‍थी 3:3

साँचोके तुहिसब येसु खिरिस्‍टके लिखल चिठी अरथात हमरासबके करल सेबकाइके नतिजा चिही, जे चिठी मसिसे नै, महज जिबित परमेस्‍वरके आत्‍मासे लिखलगेल छै, पथलके सिलेटमे नै, महज लोकसबके हिरदयके सिलेटमे लिखलगेल छै।

२ कोरन्‍थी 3:6

ओह्‍या हमरासबके लया करारके सेबकसब बनैके लेल योग्‍य बनेल्‍कै। यि करार लिखीत बेबस्‍थाके नै महज पबितर आत्‍माके करार चियै। कथिलेकी पुरन्‍का लिखल बेबस्‍थाके करार त मिरतु लाबैछै, महज लया करारमे पबितर आत्‍मा त जिबन दैछै।

२ कोरन्‍थी 4:1

परमेस्‍वर दयालु भेलाके कारनसे यि सेबाके काम हमरासबके देनेछै। ओहै खातिर हमसब हरेस नै खाइचियै।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

२ कोरन्‍थी 4:7

यि महान सक्‍ती हमरासबके नै महज परमेस्‍वरके चियै कैहके परस्‍ट करैके लेल यि धन माटीके बरतनमे अरथात अपनासबमे छै।

२ कोरन्‍थी 5:18

यि सब करैबला परमेस्‍वरे चियै, जे अपनासबके खिरिस्‍टसे आपनसङे मिलापमे आनल्‍कै। औरो लोकसबके ओकरसङे मेलमिलापमे लाबैबला काम अपनासबके देनेछै।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

२ कोरन्‍थी 6:4

महज हरतरहसे हमसब आपनेके परमेस्‍वरके सेबकसब चियै कैहके देखाइचियै। सब कठिनाइ, बिपत, सङकट आ दुखमे धिरजसे सहन करैचियै।

एफिसी 3:7

परमेस्‍वरके बरदानसे हम सुसमाचार परचार करैबला सेबक भेलियै, यि बरदान उ आपन सक्‍तीके काम अनुसार हमरा देल्‍कै।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

कलस्‍सी 1:25

परमेस्‍वर हमरा तोरासबके भलाइके खातिर सेबक बनाइनेछै आ ओकर बचन पुरा-पुरी परचार करैके जिम्‍मा देनेछै।

१ तिमोथी 1:12

हमर काममे हमरा बल दैबला अपनासबके परभु येसु खिरिस्‍टके हम धन्‍यबाद दैचियै, कथिलेकी हमरमे बिस्‍बास कैरके उ हमरा आपन सेबाके काममे छानल्‍कै।

१ पतरुस 4:10

परमेस्‍वर तोरासबके किसिम-किसिमके बरदान देनेछौ। एक दोसरके सेबा करैके लेल देल यि बरदानके पुरा सदउपयोग कर।