१ कोरन्‍थी 3:18 - मध्‍य पुरविया थारू

¹⁸ कोइ आपनेके धोखा नै देबे। यदि कोइ अइ सन्‍सारके हिसाबसे आपनेके बुधिमान ठानैछै त, उ साँचेके बुधिमान हैले आपनेके मुरुख बनाबे।

१ कोरन्‍थी 3:18 ပူးပေါင်းရင်းမြစ်များ

मतीके लिखल सुसमाचार 13:22

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

मतीके लिखल सुसमाचार 18:4

जे कोइ यि छोट बच्‍चा जखा नरम स्‍वभाबके आपनेके बनाइतै त, से लोक स्‍वरगके राजमे सबसे पैध हेतै।

मरकुस 10:15

साच्‍चे हम तोरासबके कहैचियौ, जे एकटा बच्‍चा जखा परमेस्‍वरके राजके गरहन नै करतै त उ कहियो नै परमेस्‍वरके राज भितर ढुकैले सक्‍तै।”

लुका 18:17

साँचे हम तोरासबके कहैचियौ, जे एकटा बच्‍चा जखा परमेस्‍वरके राजके गरहन नै करतै त उ कहियो नै भितर ढुकैले सक्‍तै।”

लुका 21:8

येसु कहल्‍कै, “होसियार रह, तोरासबके कोइयो नै बहकाबे। ‘समय नजदिक चैल एलछै’ आ हमर नाममे बहुत लोकसब ‘हम्‍ही खिरिस्‍ट चियै’ कहतौ, महज ओकरौरके पछा तुसब नै जैहे।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

रोमी 12:16

एक-दोसरसङे मिल-जुइलके रह, घमन्‍डी नै हो, महज साधारन लोकसबसङे सङहत कर। अपनाके बुधिमान नै ठान।

१ कोरन्‍थी 15:33

एहन बातसबके धोखामे नै पर। कथिलेत खराब सङहतसे असल लोक सेहो बिगरैछै।

१ कोरन्‍थी 3:17

यदि कोइ परमेस्‍वरके मन्‍दिरके नास करैछै त, परमेस्‍वर ओकरो नास करतै। कथिलेत परमेस्‍वरके मन्‍दिर पबितर छै आ उ मन्‍दिर तुहेसब चिही।

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

१ कोरन्‍थी 6:9

कि अधरमी लोकसब परमेस्‍वरके राजमे ढुकैले नै सक्‍तै कैहके तोरासबके थाह नै छौ? अइ बातके गम्‍भिर रुपसे ले आ तुसब आपनेके धोखा नै दहै, कथिलेत अनैतिक काम करैबला, मुरतिपुजा करैबला, बेबिचार करैबला, समलिङगिसब, पुरुखगामीसब,

गलाती 6:3

यदि कोनो मोलके नै भेल्‍हा लोक आपनके बरका ठानैछैत, उ आपनेके धोखा दैछै।

गलाती 6:7

धोखामे नै पर, परमेस्‍वरके कोइ नै मजाक उराइले सक्‍तै, कथिलेत लोक जे रोपैछै, ओह्‍या काटतै।

एफिसी 5:6

कोइ नै बेरथके बात कैरके तोरासबके धोखा दैले पाबे। कथिलेत बेरथके बातसबके कारन परमेस्‍वरके दन्‍ड थेथरमे परैछै।

२ तिमोथी 3:13

महज दुस्‍ट आ ढोङी लोकसब दोसरके धोखा दैछै आ उ आपनो धोखा खाइत बिगरैते जाइछै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

याकुब 1:22

तोरौरके बचन पालन करैबला बन, सुनैबला मातरे भ्‍याके आपनके धोखा नै दहै।

याकुब 1:26

कोइ आपनके धरमी सम्‍झैछै, महज आपन जिहके लगाम नै लगाइछै त उ आपनेके धोखा दैछै आ ओकर धरम-करम बेरथ हैछै।

१ युहन्‍ना 1:8

यदि अपनासब कहैचियै कि हमरमे पाप नै छै तब अपनासब अपने-आपके धोखा दैचियै आ अपनासबमे सत नै रहैछै।