१ कोरन्‍थी 3:13 - मध्‍य पुरविया थारू

¹³ महज नियाइके दिनमे परमेस्‍वर सबकोइके काम परकट करतै आ उसबके करल काम केहेन छै कैहके आइगसे जाँचल जेतै।

१ कोरन्‍थी 3:13 ပူးပေါင်းရင်းမြစ်များ

मतीके लिखल सुसमाचार 10:15

साँचोके, हम तोरासबके कहैचियौ, नियाइके दिनमे ओइ सहरके दसासे बरु सदोम आ गमोराके दुख सहे जोकरके हेतै।

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

लुका 2:35

अहैसे बहुतो हिरदयके बिचारसब निकल्‍तौ। तब तरबारसे तोहर आपनो हिरदयमे आरपार हेतौ।”

रोमी 2:16

यि बातसब ओइ दिन हेतै जै दिन परमेस्‍वर हमर करल सुसमाचार परचार अनुसार येसु खिरिस्‍ट दुवारा लोकसबके हिरदयमे रहल गुप्‍त बातसबके नियाय करतै।

रोमी 2:5

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

१ कोरन्‍थी 3:12

कोनो लोक ओइ जगमे सोना, चानी, बहुमुल्‍य पथल, काठ, खर या लार-पुवारसे घर बनाबैले सकैछै,

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

२ तिमोथी 1:18

परभु आबैबला दिनमे ओनेसिफरसके परभु किरपा करबै। तोरा निक जखा थाह छौ, एफिससमे उ हमरा बहौत सेबा करने रहै।

२ तिमोथी 3:9

महज उसब औरो बहौत नै टिकेसक्‍तै, कथिलेत यान्‍नेस आ याम्‍बरेस जखा मुरुखपना सब गोराके अगा देखार हेतै।

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

हिबरु 10:25

कतहेक लोकके सङगतीमे जाइके बानी नै रहैछै, महज अपनासब एकसाथ भेला हैले नै छोर। महज तुसब परभु आबैबला दिन नजदिक आइबरहल देखलाके कारनसे एक-दोसरके औरो हौसला दहै।

१ पतरुस 1:7

नास हैबला सोनाके आइगमे खाइरके सुध करल जखा तोरासबके बिस्‍बास ओहौसे मुल्‍यबान छौ। अहै खातिर तोरासबके बिस्‍बास सच ठहरे आ येसु खिरिस्‍ट परगट हैबला दिनमे परसन्‍सा, महिमा आ आदरके योग्‍य बने।

१ पतरुस 4:12

हे पिरिय भाइसब, तोरासबके जाचैके लेल अगनी परिक्‍छा एल बखत, यि नै हैबला काम चियै कैहके तुसब अचम नै मान।

२ पतरुस 3:10

महज परभुके नियाय करैबला दिन चोर एल जखा अनचेकेमे एतै। ओइ दिन सब अकास-मन्‍डल बरका अबाज कैरके बिलाजेतै, सुरुज, चान आ तरासब जैरके भस्‍म हेतै। पिरथिबी आ ओइमे भेल सब चिज नास हेतै।

२ पतरुस 3:7

महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।

परकास 20:12

हम बरका आ छोटका सब मरलसबके सिंहासनके सामने ठारभेल देखलियै आ किताबसब खोलल्‍कै। दोसर किताब खोलल्‍कै, जे जिबनके किताब छेलै। उ किताबमे लिखल अनुसार, ओकरासबके काम अनुसार मरलसबके नियाइ भेलै।