१ कोरन्‍थी 2:15 - मध्‍य पुरविया थारू

¹⁵ जै लोकमे परमेस्‍वरके पबितर आत्‍मा छै, उ सब बातके ठिकसे जाँच करैछै, महज ओकरा कोइ नै जाँच करैले सक्‍तै।

१ कोरन्‍थी 2:15 ပူးပေါင်းရင်းမြစ်များ

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

परेरित 16:3

ओकरा पावल आपनसङे लजाइले मन करल्‍कै। ओते रहैबला यहुदीसबके खातिर उ तिमोथीके यहुदी चलन अनुसार खतना कैरदेल्‍कै। कथिलेत ओइ इलाकामे रहैबला सब यहुदीसबके थाह रहै कि ओकर बाप गिरिक छेलै।

१ कोरन्‍थी 14:37

कोइ अपनाके अगमबक्‍ता या आत्‍मिक लोक सम्‍झैछै त हमर लिखल बात परभुके आग्‍या चियै कैहके ओकरा सुइकार करे।

१ कोरन्‍थी 3:1

हे हमर भाइ-भैयासब, हम तोरासबसङे बोलैतखिना आत्‍मिक लोकसबसङे बाजल जखा बाजैले नै सकलियौ महज सन्‍सारके लोकसबसङे बाजल जखा बाजल छेलियौ। खिरिस्‍टमे भरखर बिस्‍बास करल छोट बचासबसङे बाजल जखा बोललियै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

गलाती 6:1

हे हमर पिरिय भाइ-भैयासब, यदि कोनो लोक पापके जालमे परलछै, से जाइनके तोरासबमे जे आत्‍मिकी चिही, तुसब ओकरा नम्‌र भ्‍याके सुधार। तेहन काममे आपनो होसियार रह, नै त तुहुसब परिक्‍छामे परबिही।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

कलस्‍सी 1:9

तैखातिर हमसब यि बात जहियासे सुन्‍नेचियै तहियेसे तोरासबके खातिर हरदम परथना करैत आइबरहलचियौ। पबितर आत्‍मासे मिलल पुरा आत्‍मिक ग्‍यान आ समझसे परमेस्‍वरके पुरा इक्‍छा जानैले सक कैहके हमरासबके परथना छै।

१ थेसलोनिकी 5:21

महज सब बातके जाँच कर आ जे चिज असल छै ओइके पकरने रह।

हिबरु 5:14

ठोस भोजन खाइबला परिपक्‍क लोक रहैछै। उसब दिमागके निरन्‍तर अभ्‍यास दुवारा असल आ खराब छुटियाबे सकैबला भेल रहैछै।

१ युहन्‍ना 2:20

महज खिरिस्‍ट तोरासबके पबितर आत्‍मा देनेछौ आ सत बात तुसब जानैचिही।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।