१ कोरन्‍थी 15:52 - मध्‍य पुरविया थारू

⁵² यि परिबरतन आँखके एक मटकीमे, तुरहीके अन्‍तिम आबाजमे हेतै। तै समयमे तुरही बज्‍तै तब मरल लोकसब सबदिनके लेल जिबित हेतै आ अपना जिबित भेलसब परिबरतन हेबै।

१ कोरन्‍थी 15:52 ပူးပေါင်းရင်းမြစ်များ

मतीके लिखल सुसमाचार 24:31

तुरहीके अबाजसङे उ आपन स्‍वरगदुतसबके पठेतै आ अकास आ पिरथिबीके चारु दिसरसे उ आपन छानल लोकसबके जमा करतै।

युहन्‍ना 5:25

हम तोरासबके साँचोके कहैचियौ, उ समय आइबरहल छौ आ आइबगेल छौ, जब मरलहा लोकसब परमेस्‍वरके बेटाके अबाज सुन्‍तै आ जे कोइ ओकर अबाज सुन्‍तै सेसब बाच्‍तै।

युहन्‍ना 5:28

तैखातिर तुसब अचम नै मान, कथिलेत समय आइबरहल छौ जब सब मरल लोकसब चिहानमे ओकर अबाज सुन्‍तै,

१ कोरन्‍थी 15:23

महज हरेक लोक आपन-आपन पालमे जीके उठतै। सबसे पहिने खिरिस्‍ट जीके उठतै, तकरबाद खिरिस्‍ट फेर एतै तखैन ओकरमे बिस्‍बास करैबला सबकोइ जीके उठतै।

१ कोरन्‍थी 15:42

मरल लोकसब जीके उठतै त तहिनङ हेतै। जे देह बिनासमे गारैछै, उ नास नै हैबला देह ल्‍याके जिबित हैछै।

१ कोरन्‍थी 15:50

हे हमर पिरिय भाइ-भैयासब, हम तोरासबके यि बात कहैले चाहैचियौ, कि मासु आ लहुसे बनल अपनासबके देह परमेस्‍वरके राजके हकदार हैले नै सक्‍तै। तहिनङे नास हैबला देह कहियो नास नै हैबला देहके हकदार हैले नै सक्‍तै।

१ थेसलोनिकी 4:15

परभुके कहल बचन अनुसारे त तोरासबके कहैचियौ कि परभु फेनसे आबैबला दिनतक अपनासब जिबित भेल्‍हासब कोनोभी हालतमे मरलहा लोकसबसे अगा ओकरा नै भेटबै।

२ पतरुस 3:10

महज परभुके नियाय करैबला दिन चोर एल जखा अनचेकेमे एतै। ओइ दिन सब अकास-मन्‍डल बरका अबाज कैरके बिलाजेतै, सुरुज, चान आ तरासब जैरके भस्‍म हेतै। पिरथिबी आ ओइमे भेल सब चिज नास हेतै।

परकास 8:13

हम देखलियै, अकास उपरमे एकटा गरुर जोरसे अनङ कहैत सुनलियै, “पिरथिबीमे रहैबलासबके धिक्‍कार! धिक्‍कार! धिक्‍कार! कथिलेकी औरो बाकी रहल तिन स्‍वरगदुतसब तुरही फुक्‍तै त पिरथिबीमे परैबला बिपत केहेन हेतै?”

परकास 8:2

तकरबाद परमेस्‍वरके अगा ठार रहैबला सात स्‍वरगदुतसबके देखलियै। परमेस्‍वर ओकरासबके एक-एकटा तुरही देल्‍कै।