१ कोरन्‍थी 15:34 - मध्‍य पुरविया थारू

³⁴ होसमे या आ आबसे पाप नै कर। कथिलेत तोरासबमेसे कतहेक गोरे परमेस्‍वरके नै चिनहने चिही। यि त तोरासबके लेल सरमके बात चियौ।

१ कोरन्‍थी 15:34 ပူးပေါင်းရင်းမြစ်များ

मतीके लिखल सुसमाचार 22:29

येसु ओइसबके जबाफ देल्‍कै, “तुसब भरममे परलचिही। तुसब पबितर धरमसास्‍तर आ परमेस्‍वरके सक्‍तीके बारेमे नै जानैचिही।

युहन्‍ना 5:14

कुछ देरके बाद येसु उ लोकके मन्‍दिरमे भेटके कहल्‍कै, “देख, तु निक करल गेलचिही। आबसे फेनो पाप नै कर, नै त तोहर उपर औरो खराब अबस्‍था आइबजेतौ।”

युहन्‍ना 8:11

उ जनी कहल्‍कै, “परभु, कोइ नै दन्‍ड देल्‍कै।” येसु कहल्‍कै, “हम्‍हु दन्‍ड नै देबौ। आब जो, फेनसे पाप नै करिहे।]”

परेरित 26:8

परमेस्‍वर मरलहासबके जियाइछै तै बातमे अहाँसब कथिले बिस्‍बास नै करैचियै?

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

रोमी 13:11

अपनासब कतहेक महत्‍व दैबला समयमे एलचियै से बात बुइझके यि सब बातमे धियान दैलेपरतै। आब अपनासबके निनसे जागैके समय एलछै कथिलेत बिस्‍बास करल पहिन्‍का दिनसे बेसी अखुन मुक्‍ती पाबैबला समय नजदिक एलछै।

१ कोरन्‍थी 4:14

हम तोरासबके लाजमे पारैके लेल नै, महज हमर पिरिय बालकसब जखा चेताबनी दैले यि बात लिखैचियौ।

१ कोरन्‍थी 6:5

तोरासबके लाजमे पारैके लेल हम यि कहैचियौ। कि तोरासबके बिचमे भाइ-भैयारीके झगरा मिलाबैबला एकोटा बुधिमान लोक नै छौ से?

१ कोरन्‍थी 8:7

महज सब बिस्‍बासी लोकके यि ग्‍यान नै हैछै। ओकरासबके मुरतिपुजाके आदत भेलाके कारन अखुन्‍तो मुरुतिके चरह्‍याल चिज खाइछै त साँचोके मुरुतिके चरह्‍याल चिज खाइचियै कैहके ठानैछै। ओइसबके मनमे एहेन गलत बिचार भेलाके कारन उ खेलासे “हम असुध भेलियै” कैहके ठानैछै।

एफिसी 5:14

जे असली रुप परकट हैछै उ इजोत चियै। पबितर धरमसास्‍तरमे अनङ लिखलछै, “हे बिभोर निनमे परल लोकसब जाग आ आपन पापके कारनसे मरल नै रह, जिबित हो। तब खिरिस्‍टके इजोत तोरासबमे चमकतौ।”

१ थेसलोनिकी 4:5

परमेस्‍वरके नै चिन्‍हैबला लोकसब जखा बेबिचारके ललसा नै कर।