१ कोरन्‍थी 15:20 - मध्‍य पुरविया थारू

²⁰ बास्‍तममे, खिरिस्‍ट त मरलसे जीयाल छै, जे मरलसबमेसे पहिल्‍का फल चियै।

१ कोरन्‍थी 15:20 ပူးပေါင်းရင်းမြစ်များ

परेरित 2:24

महज ओकरा परमेस्‍वर मरनके दुखसे छुटकारा द्‍याके जिबित करल्‍कै। कथिलेत ओकरा मिरतुके अधिनमे रहनाइ असम्‍भब छेलै।

परेरित 26:23

खिरिस्‍टके दुख भोगैये परतै आ उ मरलहासबमेसे जिबित भ्‍याके उठैबला पहिन्‍का भ्‍याके उ यहुदी आ गैर-यहुदीके इजोतके सन्‍देस सुनेतै।”

रोमी 8:11

यदि येसुके मरलसे जिबित करैबला परमेस्‍वरके पबितर आत्‍मा तोरासबमे बास करैछौ त, येसु खिरिस्‍टके मरलसे जिबित करैबला वह्‍या आत्‍मा तोरासबके नास हैबला देहके सेहो जिबन देतौ।

१ कोरन्‍थी 15:23

महज हरेक लोक आपन-आपन पालमे जीके उठतै। सबसे पहिने खिरिस्‍ट जीके उठतै, तकरबाद खिरिस्‍ट फेर एतै तखैन ओकरमे बिस्‍बास करैबला सबकोइ जीके उठतै।

१ कोरन्‍थी 15:6

तकरबाद उ पाँच सयसे बेसि बिस्‍बासी भाइ-भैयासब लग एके साथ परगट भेलै। ओकरा देखैबलासब कतहेक गोरे मैरगेलै आ कतहेक गोरे अखुन्‍तो जिबित छै।

कलस्‍सी 1:18

मन्‍डली खिरिस्‍टके देह चियै आ उ ओकर सिर चियै। लया जिबन दैबला उहे चियै कथिलेत मरलसे जिबित हैबलामेसे उ सबसे जेठ चियै आ उहे सब बातमे अधिकार करैछै।

१ थेसलोनिकी 4:16

कथिलेकी परभु जखने हुकुमके अबाज देतै आ परमुख स्‍वरग दुतके अबाज आ तुरहीके अबाज हेतै तखने खिरिस्‍टमे बिस्‍बास कैरके मरलहा लोकसब सबसे पहिने जिबित भ्‍याके उठतै।

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परकास 14:13

तब स्‍वरगसे हम एकटा एहेन अबाज सुनलियै, “यि बात लिख: आबसे परभुके सेबा करैत-करैत मरैबला लोक धन्‍यके चियै।” पबितर आत्‍मा अनङ जबाफ देल्‍कै, “साँचेके! उसब आपन आपन मेहनतसे आराम पाबतै, कथिलेत उसब आपन करल काम अनुसार इनाम पाबतै।”