१ कोरन्‍थी 15:19 - मध्‍य पुरविया थारू

¹⁹ यदि खिरिस्‍टमे अपनासबके आसा अइ जिन्‍गीके लेल मातरे राखने चियै त, अपनासबके सबलोकसे बेसि दयाके खाँचो परैछै।

१ कोरन्‍थी 15:19 ပူးပေါင်းရင်းမြစ်များ

मतीके लिखल सुसमाचार 24:9

“तब लोकसब तोरासबके पकैरके दुख दैकेलेल लजेतौ, तोरासबके मारतौ। तुसब हमरा बिस्‍बास करैके कारन सब जातीसब तोरासबके दुस्‍तौ।

लुका 21:34

“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्‍गीके बारेमे चिन्‍ता करैसे होसियार रह, नै त उ दिन नै सोचलहा बखतमे चैलएतौ।

लुका 8:14

काँटसबके बिचमे परेबला उसब चियै, जे कोइ सुनैछै महज पाछे जिबनके चिन्‍ता, धन, सुख-चैन के खातिर नै बरहे सकैछै।

युहन्‍ना 16:2

उसब तोरासबके सभाघरसबसे निकाइल देतौ। तोरासबके उपर अहिनङो समय एतौ, जे तोरासबके जानोसे मारैबला ‘परमेस्‍वरके सेबा करैचियै’ कैहके सोच्‍तै।

युहन्‍ना 16:33

“हम तोरासबके यि बात अहै खातिर कहनेचियौ, कि हमरमे रैहके तोरासबके सान्‍ती हेबे। सन्‍सारमे तोरासबके सङकट हेतौ, महज साहस कर, हम सन्‍सारके जितलेने चियै।”

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

२ तिमोथी 2:4

सैनिक सेबामे भरती भेल लोक औरो धन्‍धा नै करैछै, कथिलेत ओइसबके उदेस्‍य आपन सेनापतीके खुस करनाइ रहैछै।

२ तिमोथी 3:12

येसु खिरिस्‍टमे भक्‍तीके जिबन बिताइले चाहैबलासबके सताबटके सामना करैए परतै।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

परकास 14:13

तब स्‍वरगसे हम एकटा एहेन अबाज सुनलियै, “यि बात लिख: आबसे परभुके सेबा करैत-करैत मरैबला लोक धन्‍यके चियै।” पबितर आत्‍मा अनङ जबाफ देल्‍कै, “साँचेके! उसब आपन आपन मेहनतसे आराम पाबतै, कथिलेत उसब आपन करल काम अनुसार इनाम पाबतै।”