१ कोरन्‍थी 14:1 - मध्‍य पुरविया थारू

¹ परेम करैबला बातमे लागल रह आ आत्‍मिक बरदानसब पाबैके लेल उतकट इक्‍छा राख। खास कैरके अगमबानीके बरदानसब बोलैके लेल इक्‍छा कर।

१ कोरन्‍थी 14:1 ပူးပေါင်းရင်းမြစ်များ

रोमी 12:6

परमेस्‍वरके अनुगरहसे अपनासबके फरक-फरक किसिमके बरदानसब देनेछै ओहै अनुसार काम करे। यदि जकरसङे अगमबानी बोलैबला बरदान छै त उ आपन बिस्‍बास अनुसार ओकर तरफसे अगमबानी बोले।

रोमी 14:19

तैल्‍याके अपनासब उ बातसबके अनुसरन कर जे बात सान्‍ती लाबैछै आ एक-दोसरके बिस्‍बासमे बलगर बनाइले मदत करैछै।

रोमी 9:30

हमर कहैके बात यि चियै कि, गैर-यहुदीसब बेबस्‍था पालन कैरके परमेस्‍वरके नजरमे धरमी ठहरैले कोसिस नै करल्‍कै तैयो बिस्‍बास दुवारा धरमी ठहरलै।

१ कोरन्‍थी 12:1

हे हमर पिरिय भाइ-भैयासब आब हम पबितर आत्‍माके बरदानके बारेमे तोरासबके बताइले चाहैचियौ। तुसब अकर बारेमे अन्‍जान नै रह कैहके हमर इक्‍छाछै।

१ कोरन्‍थी 12:31

महज तुसब उतम बरदान पाबैके लेल उतकट इक्‍छा राख। आब बरदान कनङके परयोग करबिही से उतम उपाय हम बत्‍यादेबौ।

१ कोरन्‍थी 13:13

आब बिस्‍बास, आसा आ परेम यि तिन बात रहैछै, महज ओइमेसे सबसे बरका परेम चियै।

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

१ कोरन्‍थी 14:22

जहिनङ आन भसासब बिस्‍बास करैबलासबके लेल नै महज बिस्‍बास नै करैबलासबके लेल चेन्‍हा चियै। तहिनङ अगमबानी त बिस्‍बास नै करैबलासबके लेल नै महज बिस्‍बास करैबलासबके लेल चेन्‍हा चियै।

१ कोरन्‍थी 14:37

कोइ अपनाके अगमबक्‍ता या आत्‍मिक लोक सम्‍झैछै त हमर लिखल बात परभुके आग्‍या चियै कैहके ओकरा सुइकार करे।

१ कोरन्‍थी 14:39

अहै खातिर हे भाइ-भैयासब, अगमबानी बाजैले उटकट इक्‍छा राख आ आन भसा बाजैले मनाही नै कर।

१ कोरन्‍थी 16:14

जे काम करैचिही, उ परेमसे कर।

एफिसी 1:3

अपनासबके परभु येसु खिरिस्‍टके पिता परमेस्‍वरके धन्‍यबाद हेबे। उ अपनासबके खिरिस्‍टमे स्‍वरगिय ठामसबमे सब आत्‍मिक आसिस देने छै।

१ थेसलोनिकी 5:20

परमेस्‍वरके अगमबानीके तुच्‍छ नै ठान।

१ तिमोथी 4:14

जे बरदान अगुवासब आपन हाथ तोहर उपरमे राइखके अगमबानीसे पाबने छेल्‍ही, ओकरा पुरा सदउपयोग कर।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ तिमोथी 6:11

महज तु परमेस्‍वरके जन भेलाके कारन यि बातसबसे दुरे रहिहे। तु परमेस्‍वरके निक लागैबला धारमिक जिबन जिहे आ बिस्‍बास योग्‍य, परेम, धिरज आ नमरतामे आपन मन लगा।

२ तिमोथी 2:22

तैल्‍याके तु जबानीके अधलाह ललसासे दुर रह आ सुध हिरदयसे परभुके पुकारैबला सब सङे धारमिक्‍ता, बिस्‍बास, परेम आ सान्‍तीके पछा लाग।

हिबरु 12:14

जम्‍मे लोकसबसङे मिलके सान्‍तीमे रह आ पबितर जिबन जियैके कोसिस कर, कथिलेत पबितर नै भ्‍याके कोइयो नै परमेस्‍वरके देखैले सक्‍तै।

२ पतरुस 1:7

भक्‍तीमे भाइ-भैयाके इसनेह, भाइ-भैयारीके इसनेहमे परेम थप।

३ युहन्‍ना 1:11

पिरिय सङि, तु खराब कामके देखासेखी नै कर, बरु असल कामके देखासेखी कर। जे असल काम करैछै, उ परमेस्‍वरके बेटा-बेटी चियै आ जे अधलाह काम करैछै, उ परमेस्‍वरके नै चिन्‍हने रहैछै।