१ कोरन्‍थी 13:4 - मध्‍य पुरविया थारू

⁴ परेम सहनसिल आ दयालु हैछै। परेम डाह नै करैछै, नै आपनके बरका ठानैछै आ नै घमन्‍ड करैछै।

१ कोरन्‍थी 13:4 ပူးပေါင်းရင်းမြစ်များ

मतीके लिखल सुसमाचार 27:18

पिलातस के यि बात मालुम भेलै कि धरमगुरुसब ओकरसे डाह करैके कारन पकराइने छै।

परेरित 7:9

“याकुबके बेटा योसेफके औरो भैयारीसब ओकरा डाह करै। उसब ओकरा मिसरदेस हैत जाइबला लोकके हाथमे बेचदेल्‍कै। महज परमेस्‍वर योसेफसङे रहै।

रोमी 1:29

उसब सब तरहके खराबी आ दुस्‍टतासे भरलछै। उसब लोभ, घिरना, दोसरके डाह, हतिया, झगरा-झाटी आ छल करैछै, झुठ बोलैछै आ चुगली लगाइछै।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

१ कोरन्‍थी 3:3

कथिलेत तुसब अखुन्‍तो सन्‍सारके लोकसब जखा जिबन बिताबैचिही। यदि तोरासबके बिचमे डाह आ झगरा छौ त, कि तुसब सन्‍सारके औरो लोकसब जखा बेबहार नै करैचिही से?

१ कोरन्‍थी 4:18

हमरा तोरासबलग फेनसे आबैले हिम्‍मत नै छै कैहके तोरासबमेसे कोइ-कोइ घमन्‍डी भेलचिही।

१ कोरन्‍थी 4:6

हे हमर भाइ-भैयासब, तोरासबके भलाइके लेल हम आपने आ अपोल्‍लोसके उदाहरन द्‍याके यि सब बातसब लिख्‍नेचियौ, ताकि तुसब पबितर धरमसास्‍तर अनुसार जियैले सिख आ तुसब एक गोरेके पक्‍छ ल्‍याके दोसरके बिरोध कैरके घमन्‍डी नै हो।

१ कोरन्‍थी 5:2

तैयो तुसब घमन्‍ड करैचिही! तोरासबके त बरु सोक करे परतियौ आ एहेन काम करैबलाके तोरासबके बिचसे निकालैले परतियौ।

१ कोरन्‍थी 8:1

आब हम मुरुतिके चरह्‍याल खाइबला चिजके बारेमे कहैचियौ। अपनासब जान्‍बे करैचियै कि, अकर बारेमे अपनासब सङे ग्‍यान छै। ग्‍यान लोकके घमन्‍डी बनाबैछै महज परेम लोकके उन्‍नती कराबैछै।

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

२ कोरन्‍थी 6:6

अपनासबमे रहल पबितर आत्‍मा आ अपनासबके निसकपट परेमसे हमसब आपनेके सुध, समझदार, सहनसिल आ दयालु परमानित करनेचियै।

गलाती 5:26

हमसबके एक-दोसरसङे घमन्‍ड, रिस आ डाह नै करैके चाही।

एफिसी 4:2

सबदिन नर्‌म, सोझ आ धिरजी भ्‍याके एक-दोसरके परेम कर।

एफिसी 4:32

महज एक-दोसरके दया देखा। जनङ परमेस्‍वर तोरासबके खिरिस्‍टमे छमा करल्‍कौ तहिनङे तुहुसब एक-दोसरके छमा कर।

फिलिप्‍पी 1:15

कोइ कोइ डाह कैरके औरोसे बेसी करलियै कैहके देखाबैके लेल खिरिस्‍टके बारेमे परचार करैछै महज कतहेक लोक असल बिचारसे परचार करैछै।

कलस्‍सी 1:11

परमेस्‍वरके महिमीत सक्‍ती तोरासबके बलगर बनाबे कैहके हमरासबके परथना छै, तब मातरे तुसब अस्‍थिर भ्‍याके सब चिज आनन्‍दसे सहन करैले सकबिही।

कलस्‍सी 2:18

हमरासबके दरसन मिललछै कैहके झुठ नमरता देखाबैत, स्‍वरगदुतके पुजा करैबला आ आपनेके महान समझैबलासब छै। उसब एहेन छल-कपटमे फैसके तुसब पाबैबला इनाम नै गुमा। एहेन लोकसब बिना कारन देहके स्‍वभाबके ग्‍यानमे घमन्‍ड कैरके फुलल रहैछै।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

१ थेसलोनिकी 5:14

देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।

१ तिमोथी 6:4

उ लोक घमन्‍डसे भरल रहैछै आ कुछो नै जानैछै। एहेन लोक बेरथेमे बाद-बिबाद करैछै। बात-बातमे झगरा करैछै। एहेन बातसबसे त डाह, फुट, बदनाम आ संखासब हैले लागैछै।

२ तिमोथी 2:25

उ आपन बिरोधीसबके लरम भ्‍याके सुधारैबला हैकेचाही। भ्‍यासकैछै परमेस्‍वर बिरोधीसबके मन बदैल देतै आ उसब सतके चिन्‍हे सक्‍तै।

२ तिमोथी 3:10

तु त हमर सिक्‍छा, हमर चरितर, हमर जिबनके लक्‍छ, हमर बिस्‍बास, हमर धिरज, हमर परेम आ हमर सहनसिलता देख्‍नेचिही।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

याकुब 4:5

कि तुसब यि सम्‍झैचिही कि, पबितर धरमसास्‍तर बेरथमे एहेन कहैछै, “परमेस्‍वर अपनासबमे राइखदेने छै तै आत्‍माके लेल उ एकदमसे डाह करैछै?”

१ पतरुस 2:1

अहैलेल तुसब दुस्‍टतासे, छल-कपटसे, सब डाहसे आ सब निन्‍दासे दुरे रह।

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

२ पतरुस 1:7

भक्‍तीमे भाइ-भैयाके इसनेह, भाइ-भैयारीके इसनेहमे परेम थप।

१ युहन्‍ना 4:11

हमर पिरिय सङिसब, परमेस्‍वर अपनासबके अतहेक परेम करने छै त अपनोसबके एक-दोसरके परेम करेपरतै।