१ कोरन्‍थी 13:3 - मध्‍य पुरविया थारू

³ यदि हम आपन सब धन-सम्‍पैत गरिबसबके बाइट देबै आ आपन देह सेहो जराइले देबै महज हमरमे परेम नै छै त, हमरा किछो फाइदा नै हेतै।

१ कोरन्‍थी 13:3 ပူးပေါင်းရင်းမြစ်များ

मतीके लिखल सुसमाचार 23:5

सबकाम उ सब देखाबैके लेल मातरे करैछै। उसब आपन हाथमे आ कपारमे बेबस्‍थामे लिखल बातसब जन्‍तरमे राइखके बान्‍हैछै आ आपन बस्‍तरमे लाम-लाम फुदनासब लगाके पिन्‍हैछै।

लुका 18:22

यि बात सुइनके येसु ओकरा कहल्‍कै, “तोहरमे एकटा औरो चिजके कमि छौ। तोहर सङे भेल्‍हा सब धन-समपैत बेचके गरिबसबके बाइट दहै, तब स्‍वरगमे तोरा बहुत धन हेतौ आ हमर पछा लाग।”

लुका 18:28

तब पतरुस कहल्‍कै, “देखु, हमसब त आपन घरदुवार छोइरके अहाँके पछा लागलचियै।”

लुका 19:8

जक्‍कैया परभुके अगा ठार भ्‍याके कहल्‍कै, “देखु, परभु हम आब आपन सब धन-सम्‍पतीके अधा हिस्‍सा गरिबसबके बाइट देबै आ ककरोसे ठैक फुस्‍याके कुछो लेने हेबै त हम ओकर चौबर फिरता कैरदेबै।”

युहन्‍ना 12:43

कथिलेकी उसब परमेस्‍वरके परसन्‍सासे लोकके परसन्‍सा बेसी मन पराइछेलै।

युहन्‍ना 13:37

महज पतरुस कहल्‍कै, “परभु, हम अखुन कथिले पछा आबैले नै सक्‍बै? हम त अहाँके लेल जानो द्‍यादेबै।”

युहन्‍ना 15:13

साथि-सङीके लेल आपन परान देनाइसे बरका परेम औरो किछो नै छै।

युहन्‍ना 6:63

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

परेरित 21:13

महज पावल कहल्‍कै, “तुसब कथिले काइनके हमर मनके तोरैचिही? हम त यरुसलेममे बन्‍हाइले मातर नै, महज हम त परभुके लेल मरैयोले तैयार चियै।”

गलाती 5:26

हमसबके एक-दोसरसङे घमन्‍ड, रिस आ डाह नै करैके चाही।

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।