१ कोरन्‍थी 12:9 - मध्‍य पुरविया थारू

⁹ ओह्‍या पबितर आत्‍मा ककरो बिस्‍बास करैबला, ककरो रोग-बिमारसबके निक करैबला बरदानसब दैछै।

१ कोरन्‍थी 12:9 ပူးပေါင်းရင်းမြစ်များ

मतीके लिखल सुसमाचार 10:8

रोगी-बिमारीसबके निक कर, मरलहासबके जिबित कर, कोढि-कुस्‍टीसबके सुध कर, भुत आत्‍मासबके निकाल। जहिनङे तुसब मङनिएमे पाबलिही तहिनङे मङनिएमे दहै।

मतीके लिखल सुसमाचार 21:21

तब येसु उसबके जबाफ देल्‍कै, “साँचेके हम तोरासबके कहैचियौ, यदी तोरासबमे बिस्‍बास छौ आ सङका नै कैरके यि अन्‍जिरके गाछके जे हम करलियै अतबेक नै, महज यि पहारके ‘तु अतेसे उखैरके समुन्‍दरमे खस’ कहबिही त तहिनङे हेतौ।

मरकुस 16:18

उसब आपन हाथसे साँपसब पकरतौ आ कोनो परकारके बिखो पिलेतै त तैयो कोनो नोक्‍सान नै हेतै। तब रोगी-बिमारीसब उपर आपन हाथ राख्‍तौ आ उसब निक हेतौ।”

मरकुस 6:13

उसब बहौत भुतसब निकालल्‍कै आ तेलमे परथना कैरके बहौत रोगी-बिमारीसबके लग्‍याके निक करल्‍कै।

लुका 10:9

ओइ ठामके रोगी बिमारीसबके निक कर आ ओकरासबके कही ‘परमेस्‍वरके राज तोरासबके नजदिक आइबगेल छौ।’

लुका 9:2

येसु ओकरासबके परमेस्‍वरके राजके बारेमे परचार करैले आ बिमारसबके निक करैले पठाइल्‍कै।

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।

परेरित 5:15

परेरितसबके अच्‍चमके काम देखके लोकसब बिमारसबके रस्‍तामे पटिया आ खटियामे राखल्‍कै आ पतरुस ओतेसे आबैतखिना ओकर छाह रोगी-बिमारीसब उपर परे आ ठिक हेबे कैहके सुताके राखने रहैत रहै।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 12:30

कि सबकोइसङे निक करैबला बरदानसब हैछै? कि सबकोइ आन भसा बोलैछै? कि सबकोइ आन भसाके अरथ बताइले सकैछै?

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

२ कोरन्‍थी 4:13

“हम बिस्‍बास करलियै, ओहैसे हम बोललियै” कैहके पबितर धरमसास्‍तरमे लिखैबला लोके जखा हमरोसबमे बिस्‍बासके आत्‍मा भेलाके कारन हमसबसेहो बिस्‍बास करैचियै आ बोलैचियै।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

हिबरु 11:33

उसब त बिस्‍बास दुवारा राजसबके जितल्‍कै, नियायके साथ राज करल्‍कै, परमेस्‍वरके परतिग्‍या करल चिजसब पाबल्‍कै आ सिंहसबके मुह बन्‍द कैरदेल्‍कै।