१ कोरन्‍थी 11:26 - मध्‍य पुरविया थारू

²⁶ जहिया-जहिया तुसब यि रोटी खेब्‍ही आ अइ बाटीसे पिब्‍ही, परभु नै आबेतक ओकर मिरतुके परचार करबिही।

१ कोरन्‍थी 11:26 ပူးပေါင်းရင်းမြစ်များ

युहन्‍ना 14:3

हम ज्‍याके तोरासबके खातिर ठाम तयार करलाके बाद फेनो एबौ आ तोरासबके आपनलग ल्‍याजेबौ, तैल्‍याके हम जते रहैचियै ओतै तुहुसब हमरसङे रहबिही।

युहन्‍ना 21:22

येसु पतरुसके कहल्‍कै, “यदी हम नै आबैतक उ जिबिते रहे कैहके हमर इक्‍छाछै त तोरा कि हैछौ? तु हमर पछा लाग।”

युहन्‍ना 21:23

येसुके यि बातसे उ चेला नै मरतै कैहके बिस्‍बासीसबके बिचमे हल्‍ला फैलगेलै। बास्‍तममे येसु उ चेला नै मरतै कैहके नै कहने छेलै, महज “यदी हम नै आबैतक उ जिबिते रहे कैहके हमर इक्‍छाछै त तोरा कि हैछौ?” कैहके कहने छेलै।

परेरित 1:11

उसब कहल्‍कै, “ए गालिलके लोक, तुसब कथिले अकास दिसन ताकैत ठडा भेलचिही? येसु त स्‍वरगमे गेलौ, जैहनङ अखुन स्‍वरगमे जाइत देखलिही, ओहिनङ ओकरा फेनो आबैत देखबिही।”

१ कोरन्‍थी 15:23

महज हरेक लोक आपन-आपन पालमे जीके उठतै। सबसे पहिने खिरिस्‍ट जीके उठतै, तकरबाद खिरिस्‍ट फेर एतै तखैन ओकरमे बिस्‍बास करैबला सबकोइ जीके उठतै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

१ थेसलोनिकी 4:16

कथिलेकी परभु जखने हुकुमके अबाज देतै आ परमुख स्‍वरग दुतके अबाज आ तुरहीके अबाज हेतै तखने खिरिस्‍टमे बिस्‍बास कैरके मरलहा लोकसब सबसे पहिने जिबित भ्‍याके उठतै।

२ थेसलोनिकी 1:10

जै दिन परभु एतै, तै दिन उ आपन पबितर लोकसबके बिचमे आपन महिमा आ बिस्‍बास करैबला जम्‍मेलोकसे परसन्‍सा लेतै। ओते तुसब रहबिही, कथिलेत हमरसबके देल्‍हा गबाही पर तुसब बिस्‍बास करलिही।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

२ पतरुस 3:10

महज परभुके नियाय करैबला दिन चोर एल जखा अनचेकेमे एतै। ओइ दिन सब अकास-मन्‍डल बरका अबाज कैरके बिलाजेतै, सुरुज, चान आ तरासब जैरके भस्‍म हेतै। पिरथिबी आ ओइमे भेल सब चिज नास हेतै।

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

यहुदा 1:14

आदमसे सातम पुस्‍ताके हनोक यि लोकसबके बारेमे एहेन अगमबानी कहनेरहै, “देख, हजारो-हजार पबितर स्‍वरगदुतसब सङे परभु आबैछै।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

परकास 22:20

यि बातके गबाही दैबला कहैछै, “साँचोके हम जल्‍दिए आइबरहल चियौ।” आमेन। आबु, हे परभु येसु!