१ कोरन्‍थी 11:25 - मध्‍य पुरविया थारू

²⁵ तहिनङे रोटी खेलाके बाद बाटी लेल्‍कै आ कहल्‍कै, “परमेस्‍वर आ लोकके बिचमे समबन्‍ध अस्‍थपना करैबला यि हमर लहु चियौ। जहिया-जहिया तुसब यि पिब्‍ही, तहिया-तहिया हमर सम्‍झनामे एहेन कैरते रह।”

१ कोरन्‍थी 11:25 ပူးပေါင်းရင်းမြစ်များ

लुका 22:20

ऐहनङे ख्‍यालेलाके बाद उ बाटी लेल्‍कै आ कहल्‍कै, “यि बाटी तोरौरके खातिर हमर लहुसे बान्‍हल लबका करार चियौ। यि लहु तोरेऔरके खातिर बह्‍याल गेल छौ।

१ कोरन्‍थी 10:16

जब हमसब परभु-भोजके बाटी ल्‍याके परमेस्‍वरके धन्‍यबाद दैचियै, कि उ बाटीसे पियैचियै त हमसब खिरिस्‍टके लहुमे सहभागी नै भेलियै से? आ उ रोटी, जकरा हमसब तोइरके खेलियै, कि खिरिस्‍टके देहमे सहभागी नै भेलियै से?

१ कोरन्‍थी 11:24

आ धन्‍यबाद द्‍याके रोटी तोरैत कहल्‍कै, “यि तोरासबके लेल हमर देह चियौ, हमर समझनामे एहेन कैरते रह।”

२ कोरन्‍थी 3:14

महज ओइसबके मन कठोर भेलासे आइतक उ पुरन्‍का करारमे भेल बेबस्‍था परहैछै त ओइसबके बुझैबला समझ झापल रहैछै, ओहैसे उसब सत बात बुझैले नै सकैछै। आब येसु खिरिस्‍टमे बिस्‍बास कैरके मातरे उ समझ उघरैछै।

२ कोरन्‍थी 3:6

ओह्‍या हमरासबके लया करारके सेबकसब बनैके लेल योग्‍य बनेल्‍कै। यि करार लिखीत बेबस्‍थाके नै महज पबितर आत्‍माके करार चियै। कथिलेकी पुरन्‍का लिखल बेबस्‍थाके करार त मिरतु लाबैछै, महज लया करारमे पबितर आत्‍मा त जिबन दैछै।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।