१ कोरन्‍थी 10:32 - मध्‍य पुरविया थारू

³² तुसब ककरो ठेस लागैबला काम नै कर, चाहे यहुदीके, चाहे गिरिकके या चाहे परमेस्‍वरके मन्‍डलीके हेबे।

१ कोरन्‍थी 10:32 ပူးပေါင်းရင်းမြစ်များ

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

परेरित 24:16

तै खातिर परमेस्‍वर आ लोकसबके नजरमे हम निरदोस रहैले चाहैचियै।

रोमी 14:13

ओहैसे अपनासब एक-दोसरके दोस नै लगा। बरु अपनासब आपन भाइके ठेस लागैबला या बाधा दैबला काम कहियो नै करबै कैहके अठोट कर।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

१ कोरन्‍थी 10:33

हमर करल जखा कर। हम अपना खुस हैबला काम नै करलियै। महज सबकोइ मुक्‍ती पाबे कैहके सब तरहसे सबके भलाइ खोजैचियै।

१ कोरन्‍थी 11:22

कि तोरासबके खाइ-पियैले आपने घर नै छौ से? या कि तुसब परमेस्‍वरके मन्‍डलीके निच ठानैचिही आ किछो नै भेल्‍हासबके अपमान करैचिही? हम तोरासबके कथी कहबौ? अकर लेल कि हम तोरासबके परसन्‍सा करबौ? नै, हम परसन्‍सा नै करबौ।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 15:9

हम परेरितसबमेसे सबसे तुच्‍छ चियै। हम परेरित कहैके योग्‍यके नै चियै कथिलेत हम परमेस्‍वरके मन्‍डलीके सताइने चियै।

१ कोरन्‍थी 7:17

चाहे जे हेबे, परभु जकरा जनङके खटाइनेछौ आ जे बरदान देनेछौ, उ तहिनङके जिबन बिताबे। सब मन्‍डलीसबके लेल हमर नियम एह्‍या चियै।

१ कोरन्‍थी 8:13

तैखातिर हमर खाइबला चिजसे हमर आपने बिस्‍बासी भाइ नास हैछै त हमर भाइ नास नै हेबे कैहके हम कहियो मासु नै खेबै।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

२ कोरन्‍थी 6:3

हमरासबके करल सेबकाइमे कोइ दोस लगाबैके मौके नै पाबे कैहके हमसब ककरो बाधा दैबला काम नै करैचियै।

गलाती 1:13

तुसब त जानैचिही, जखुन हम यहुदी धरम मानैछेलियै तै बखतके पहिन्‍का जिन्‍गीके बेबहार केहेन छेलै। कनङ हम परमेस्‍वरके मन्‍डलीके लोकसबके घोर अतियाचार करैछेलियै आ ओकरासबके नास करैले चाहैछेलियै।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

फिलिप्‍पी 3:6

जोसके बिसयमे कहबै त मन्‍डलीके सताबैबला, धारमिकताके बिसयमे कहबै त बेबस्‍थामे भेल धारमिकतासे हम निस्‍खोट ठहरलचियै।

१ थेसलोनिकी 2:14

यि बात हमरासबके थाहछै भाइ-भैयासब कथिलेकी तोरासबके जे समस्‍या भेलौ उ समस्‍या यहुदियामे रहल परमेस्‍वरके मन्‍डली अरथात खिरिस्‍ट येसुमे बिस्‍बास करैबला लोकसबके भेलै। उसब आपन जाती यहुदीसे जनङ सताबट पाबल्‍कै तहिने तुहुसब आपने जातीके लोकसबसे सताबट पाबनेचिही।

१ तिमोथी 3:15

यदी हमरा आबैमे देर हेतै त, परमेस्‍वरके परिबारमे भेल लोकसबके चाल-चलन केहेन रहैके चाही से जाइनले। यि परिबार त जिबित परमेस्‍वरके मन्‍डली अरथात सतके खम्‍हा आ जग चियै।

१ तिमोथी 3:5

कथिलेत आपन घर परिबार असलसे नै चलाबे सकैबला कनङके मन्‍डलीके देखभाल करे सक्‍तै?