१ कोरन्‍थी 1:9 - मध्‍य पुरविया थारू

⁹ परमेस्‍वर बिस्‍बास योग्‍य छै। उ आपन बेटा, अपनासबके परभु येसु खिरिस्‍टसङे सङगतीमे रहैके लेल तोरासबके बोलाइल्‍कौ।

१ कोरन्‍थी 1:9 ပူးပေါင်းရင်းမြစ်များ

मतीके लिखल सुसमाचार 24:35

स्‍वरग आ पिरथिबी बित जेतै, महज हमर बचन रहबे करतै।

युहन्‍ना 17:21

हम परथना करैचियै कि उ सबकोइ एक हेबे। हे पिता, जहिनङे अहाँ हमरमे आ हम अहाँमे चियै, तहिनङे ओहोसब अपनासबसङे एक हेबे, ताकि अहाँ हमरा पठाइनेचियै कैहके सन्‍सारके लोकसब बिस्‍बास करे।

रोमी 11:17

तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।

रोमी 8:28

अपनासबके थाहछै कि, परमेस्‍वरके परेम करैबला आ ओकर उदेस्‍य अनुसार बोल्‍याल लोकसबके लेल सब बातमे परमेस्‍वर भलाइ करैछै।

रोमी 8:30

जकरा जकरा परमेस्‍वर पहिनेसे चुनल्‍कै, उ ओकरासबके बोलेबो करल्‍कै। जकरा बोलेल्‍कै ओकरासबके आपन नजरमे धरमी ठहरेल्‍कै। जकरा जकरा धरमी ठहरेल्‍कै, ओकरासबके आपन महिमामे सहभागी सेहो करेल्‍कै।

रोमी 9:24

ओकर बोलाबट पाबैबला लोकसब हमसब चियै। उ हमरासबके यहुदी मेसे मातरे नै महज गैर-यहुदी जातीसबसे सेहो बोलाइनेछै।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

१ कोरन्‍थी 10:13

तोरासबके जिबनमे आबैबला सब परिक्‍छासब लोकसबके बिचमे आबैबला जखा हैछै। परमेस्‍वर बिस्‍बासयोग्‍य छै, जे तोरासबके सहे नै सकैबला परिक्‍छामे नै पारतौ। जब तु लोभमे परबिही परमेस्‍वर तोरा उ परिक्‍छासे बचैयोके लेल सहायता करतौ। तब तु सहैले सकबिही।

१ कोरन्‍थी 10:16

जब हमसब परभु-भोजके बाटी ल्‍याके परमेस्‍वरके धन्‍यबाद दैचियै, कि उ बाटीसे पियैचियै त हमसब खिरिस्‍टके लहुमे सहभागी नै भेलियै से? आ उ रोटी, जकरा हमसब तोइरके खेलियै, कि खिरिस्‍टके देहमे सहभागी नै भेलियै से?

२ कोरन्‍थी 1:18

परमेस्‍वर बिस्‍बासयोग्‍य भेल जखा अपनासबके बोलि सेहो बिस्‍बासयोग्‍य छै। हमसब एके बातमे “हँ” आ एके बातमे “नै” कैहके नै कहैचियै।

गलाती 1:15

महज हमर जलम हैसे पैहनैये परमेस्‍वर हमरा अलग करल्‍कै आ अनुगरहसे हमरा आपन काम करैले बोलाइल्‍कै।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

१ थेसलोनिकी 2:12

तोरासबके चालचलन परमेस्‍वरके नजरमे योग्‍य हेबे से उदेस्‍यसे हमसब तोरासबके अरतिउपदेस, उत्‍साह आ बिन्‍ती करैत रहलियौ। कथिलेकी परमेस्‍वर आपन राज आ महिमामे तोरासबके सहभागी हैकेलेल बोलाइछौ।

२ थेसलोनिकी 2:14

अहै खातिर अपनासबके सुनाएल सुसमाचारसे परमेस्‍वर तोरासबके बोलाइल्‍कौ। हमरासबके परभु येसु खिरिस्‍टके महिमा तोरोसबके मिले कैहके उ तोरासबके बोलाइनेछौ।

२ थेसलोनिकी 3:3

महज परभु बिस्‍बास योग्‍य छै आ उ तोरासबके बौकार बनेतौ आ सैतानसे बचेतौ।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

२ तिमोथी 2:13

हमसब बिस्‍बास योग्‍य नै चियै तैयो उ बिस्‍बास योग्‍य रहतै, कथिलेत उ आपनेके इन्‍कार नै करे सक्‍तै।

तितस 1:2

उ बिस्‍बास आ ग्‍यान अनन्‍त जिबन पाबैके आसमे अरल छै, यि जिबन कहियो झुठ नै बोलैबला परमेस्‍वर सन्‍सार सिरिस्‍टी हैसे पहिने अपनासबके दैले परतिग्‍या करने छेलै।

हिबरु 10:23

अपनासबके करल आसामे अस्‍थिर भ्‍याके कैसके पकैरके राख, कथिलेकी जे परतिग्‍या करने छै, उ बिस्‍बास योग्‍यछै।

हिबरु 11:11

बिस्‍बास भेलाके कारन सारा बुढ अबस्‍थामे देहभारी हैबला सक्‍ती पाबल्‍कै, कथिलेकी उ परतिग्‍या पुरा करैबलाके बिस्‍बासयोग्‍य ठानल्‍कै।

हिबरु 2:17

ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

हिबरु 6:18

परमेस्‍वरके करल परतिग्‍या आ खेल किरिया यि दुनुबात कहियो नै बदल्‍तै, कथिलेकी परमेस्‍वर झुठ नै बोलैछै। अहैलेल ओकरमे सरन लैबलासब अपनासबके अगा राखल आसा पाबैले बरका हौसला पाबनेचियै।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

१ युहन्‍ना 1:3

हमसब जे देखने आ सुन्‍ने चियै, से हमसब तोरासबके सुनाबैचियौ जेकि तुहुसब हमरासबसङे सङगती करेसकी। अपनासबके सङगती त पिता आ ओकर बेटा येसु खिरिस्‍टसङे छै।

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।

१ युहन्‍ना 4:13

उ अपनासबके पबितर आत्‍मा देलाके कारन हमसब यि जानैचियै कि, हमसब परमेस्‍वरमे रहैचियै आ परमेस्‍वर हमरासबमे रहैछै।

परकास 19:11

तकरबाद हम स्‍वरग उघरल देखलियै आ ओते एकटा उजर घोरा छेलै। ओइमे सबार हैबला “बिस्‍बासयोग्‍य” आ “सत” कहेतै। उ ठिकसे नियाइ आ लराइ करतै।