१ कोरन्‍थी 1:5 - मध्‍य पुरविया थारू

⁵ कथिलेत परमेस्‍वर खिरिस्‍टमे हरतरहसे तोरासबके बोलिबचन आ ग्‍यानमे धनिक बनाइनेछौ।

१ कोरन्‍थी 1:5 ပူးပေါင်းရင်းမြစ်များ

परेरित 2:4

तब उ सबगोरे पबितर आत्‍मासे भरलै आ पबितर आत्‍माके सक्‍तिसे उसब आन भसासबमे बोले लाग्‍लै।

रोमी 11:12

इजराएलीसब पाप करलाके चल्‍ते सन्‍सारके लोकसब आसिस पाबल्‍कै। उसब मुक्‍तीके इन्‍कार करलाके चल्‍ते गैर-यहुदीसब मुक्‍ती पाबल्‍कै त सब इजराएलीसब पस्‍चाताप कैरके परमेस्‍वरमे बिस्‍बास करतै त औरो बेसिसे आसिस पाबतै।

रोमी 15:14

हे हमर भाइ-भैयासब, हम जानैचियै कि तुसब असल चिही, सब परकारके ग्‍यानसे भरपुर आ एक-दोसरके सिक्‍छा दैले योग्‍यके चिही।

रोमी 15:4

पबितर धरमसास्‍तरमे पहिने लिखल बातसब अपनासबके सिक्‍छा दैकेलेल छेलै। धरमसास्‍तरमे भेल बातसे अपनासबके सहैबला सक्‍ति आ हौसला दैछै ताकी अपनासबके आसा बनल रहे।

१ कोरन्‍थी 12:10

ओह्‍या पबितर आत्‍मा ककरो अचमके काम करैबला, ककरो अगमबानी बोलैबला, ककरो आत्‍मासब छुटयाबैबला, ककरो बहौत किसिमके भसासब बोलैबला आ ककरो भसासबके अरथ खोलैबला बरदान दैछै।

१ कोरन्‍थी 12:8

ककरो पबितर आत्‍मासे बुधिके बात बोलैबला, ककरो ओह्‍या पबितर आत्‍मा ग्‍यानके बात बोलैबला बरदान दैछै।

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

१ कोरन्‍थी 13:8

परेमके कहियो अन्‍त नै हैछै। अगमबानीसब बितके जेतै, भसासब बन भ्‍याजेतै आ ग्‍यान हर्‌या जेतै।

१ कोरन्‍थी 14:26

हे हमर भाइ-भैयासब, आब हम कथी कहबौ? तुसब एकसाथ जम्‍मा हैचिही त कोइ भजन गाबैछै, कोइ सिक्‍छा दैछै, कोइ परमेस्‍वरसे परगट भेल बात कहैछै, कोइ आन भसा बोलैछै आ कोइ आन भसाके अरथ खोइलदैछै। यि सब बातसबसे मन्‍डलीके आत्‍मिक तवरसे बिरधी कराबैछै।

१ कोरन्‍थी 8:11

एहेन कमजोर बिस्‍बासी भाइ तोहर ग्‍यानके कारनसे नास हैछै, जकर खातिर खिरिस्‍ट मरलै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

२ कोरन्‍थी 6:10

सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

२ कोरन्‍थी 8:7

जहिनङे सब काममे तुसब बैढते जाइचिही, अरथात बिस्‍बासमे, बचनमे, ग्‍यानमे, जोसमे आ हमरासब परती परेममे, तहिनङे तुसब यि भेटी दैबला काममे सेहो बैढते जो।

२ कोरन्‍थी 9:11

तुसब हर बखत खुसी मनसे औरोके दैले सक कैहके परमेस्‍वर तोरासबके धनिक बनाइतौ। तोरासबके देल दान हमसब औरो मन्‍डलीसबमे बाटैके कारन बहुतो लोक परमेस्‍वरके धन्‍यबाद देतै।

एफिसी 1:17

हम अपनासबके परभु येसु खिरिस्‍टके महिमाके पिता, परमेस्‍वरके यि परथना करैचियै कि उ तोरासबके बुइध आ परकासके आत्‍मा देबे ताकी तुसब ओकरा असलसे चिन्‍हैले सके।

एफिसी 2:7

यि काम परमेस्‍वर अपनासबके येसु खिरिस्‍टमे करल असिम अनुगरह कतेक महान छै कैहके आबैबला सब दिनमे देखाइके लेल करल्‍कै।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

एफिसी 6:19

हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

फिलिप्‍पी 1:9

हमर परथना एह्‍या चियै, कि तुसब परेम आ ठिक-बेठिक छुटयाबैबला बुइधमे झन-झन परसस्‍त कैरके बैढते जाय,

कलस्‍सी 2:3

ओकरेमे परमेस्‍वरके सब ग्‍यान आ बुइधके सारा सम्‍पतीके भन्‍डारछै।

कलस्‍सी 3:10

आब त तुसब लया स्‍वभाब धारन करनेचिही। तुसब परमेस्‍वरके पुरा ग्‍यान पाबैले सक कैहके सिरिस्‍टीकरता आपन स्‍वरुपमे तोरासबके लया बन्‍यारहलछौ।

याकुब 3:13

तोरासबमेसे बुधिमान आ बुझहैबला लोक के छै? उ आपन असल चालचलनसे बुइधके नमरतासे निक काम कैरके देखाबे।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।